انا بشحت منك يارب .. كل يوم قبل مانزل الخدمة اشحت منك ..
يا خادم .. اسجد قدام الهك .. وانتى كخادمة اسجدى قدام الهك ..
محدش فيكم ينزل الخدمة غير لما يسجد قدام ربنا و يشحت .. اشحت منه ..
كل واحد فيكم يشحت من ربنا .. قبل ما تنزل خدمتك .. و قبل ما تنزلى خدمتك ..
وانتي ساجدة فى بيتكم وانت ساجد فى مخدعك .. و قله :
" يارب ها انا بين يديك .. انزل الى حقل الخدمة يارب ..
ارسل ملاكك ليسبقنى .. و يقودنى .. ويفتح فمى .. و يأتي بثمر كثير ..
لمجد اسمك و لملكوتك يارب "
تروح الخدمة .. تلاقى ناس عمرك ما تتوقع انهم كنوا يجوا الخدمة جم .. !!
تلاقى بنات كانوا فى الخطية و فى الشهوة ابتدوا يرجعوا و يقلولك عاوزة اعرف الطريق ؟؟ .. متعبتوش فى حاجة .. النعمة شغالة معاكم ..
ارجع البيت اعمل ايه .. ؟؟
قبل ماسلم على اهل بيتى ادخل اسجد قدام ربنا واقوله :
" متشكر يارب على صنيعك ..
كمل عملك معى .. كمل عملك مع ولادك فى كل مكان .. "
ده اللى المفروض نعمله ..
ابونا المحبوب نيافة الأنبا بطرس أسقف شبين القناطر
