23 - 12 - 2017, 03:01 PM
|
|
|
|
† Admin Woman †
|
|
|
|
|
|
كنيسة الأمير بتبكى يارب
نفس الفيلم هو هو
السيناريو عمال يتكرر
بتنضرب الكنايس أهو
امتى الكنايس تتحرر
كنايس مصر فى قيود
مش لاقيين لها حل
أقسم بربنا المعبود
الواحد خلاص مل
كنيسة الأمير ضربوها
بكل خسة و كل ندالة
ناس عمرهم ما حبوها
مفيش جواهم اى عدالة
أبكى و أشكى يا أطغيح
على بيجراه فى كنايسك
الموضوع مبقاش مليح
ليه الإرهاب دايما دايسك
يا إرهاب ملكش ديانة
مالك و مال الكنيسة
متستهلش منك إهانة
تنكسر إيديك الخسيسة
الكنيسة دى بيت ربنا
يالى متعرفش اى إله
الكنيسة دى ملك شعبنا
موتهم فيها اجمل حياه
دى الكنايس ربنا بانيها
مستحيل تقدر تهدها
أصله لوحده هو حاميها
إيديه انت مش قدها
كفاية قلة أدب بزيادة
المسيحيين شافوا كتير
الكنيسة دى دار عبادة
بيدافع عنها رب كبير
كنيسة الأمير بتبكى يارب
أتكلم و دافع أنت عنها
ضربوها معدومين القلب
دايما متكادين منها
يا إرهابيين ولا تساوى
خسارة الكلمة ليكم
هتشوفوا الرد السماوى
ربنا وحده هيرد عليكم
|
