يا مرات ابونا عاوزك تبكي ومحدش يكتم شكوتك
ده الهك حاسس بيكي وشايف دموعك وسامع صرختك
ماتصدقيش اللي يقول ماتصرخيش كده عيب وحرام
دول ناس فقدوا الحس وماعندهمش غير الكلام
الله العظيم ساب يشوع ويعقوب يبكوا علي حبايبهم
ويسوع بكي قصاد الناس وماتكسفش منهم
ابكي واصرخي لان بكائك وصرختك دول حق
ده موت ابونا كأنه مسمار علي قلبك اندق
هايجي يوم هاتلاقي بدل نهر الدموع نهر تعزيه ماينقطعش
وبدل الصراخ هاتبقي افراح ماتتوصفش
اصل ربنا جنبك وقت ضيقك ومضايق معاكي
وهو اللي هايملي قلبك فرح وهاتفضل ايده سنداكي
وعلي فكره وجع فراق ابونا هايفضل جواكي
اصلك انسانه والرب للصليب ده دعاكي
بس التعزيه هاتخبط علي بابك قريب
وهاتشهدي وتقولي الرب حنان وطيب
وهاتحسي ان مش بس ربنا معاكي ده ابونا سمعان كمان وياكي
يا مرات ابونا اتشددي
يا مرات ابونا انهضي
