|
 |
 |
 |
|
|
|
رقم المشاركة : ( 1 )
12 - 09 - 2017, 05:54 AM
|
|||||||||||
|
|||||||||||
|
عن الغفران والمسامحة.. فى مننا ناس حسّاسة جدا.. وناس تانية بتحس بصعوبة (وأحيانا ما بتحسّش أصلا).. الناس الأولانيين أغلب الوقت بيتأذوا من الناس التانيين.. الناس الحساسين بيعانوا من مرارة الوجع والألم الناتج من أذى الناس التانيين.. وطبعا الناس التانيين مش حاسين بألم ولا وجع الناس الأولانيين.. وبالتالى بيأذوهم تانى وتالت ورابع... سواء واخدين بالهم أو مش واخدين.. وتستمر المعاناة... طب والحل ؟؟ 1- الانتقام من الناس التانيين ومحاولة القضاء على أمثالهم (حَل غلط) + مايصحش... لأنهم أحيانا بيكونوا أقرب الناس لينا وبنحبهم.. وعشان كدة بنتوجع قوى منهم + مش هينفع... لأنهم أحيانا بيكون ليهم سلطة علينا "قانونية أو دينية أو شرعية أو مالية" ومش هنقدر ناخد حقنا منهم + مش هيشفى غليلنا... لأن الانتقام فى الواقع بيزيد المرارة والوجع ومش بيغير الواقع 2- الاستسلام والخنوع للناس التانيين ومحاولات التأقلم على الوضع (حَل غلط) + مش هيريّح.. لأن الوضع دا فى الحقيقة بيكون الهدوء الذى يسبق العاصفة.. وكلما طالت مدة الهدوء كلما زادت قوة وشدة العاصفة القادمة.. لأن هييجى وقت على الناس الأولانيين وهينفجروا - من كتر كبت المرارة- فى وش الناس التانيين، وساعتها الناس التانيين هيتحمسوا للإيذاء الأعظم.. ويتصاعد الصراع لأعلى.. 3- التحنن بالحب المستمر من الناس الأولانيين على الناس التانيين (الحَل الصح) (أصعب حَل) + الناس الحسّاسة "شكلهم ضعيف" والناس اللى بتأذى "شكلهم أقوى"... دا اللى باين من برة.. لكن تعالى دوّر على اللى جوة... اللى بيعرف يقدم حب ويستحمل هو الأقوى.. واللى بيأذى الآخرين هو الأضعف من جواه.. غلبان مش عارف يحب.. مش قادر يتخطى نفسه.. مزنوق فى أفكاره وصفاته واحتياجاته.. + وعشان كدة الحل الوحيد هو إن الأقوى (الناس الأولانيين) يشيل الضعيف ويساعده (الناس التانيين).. والمساعدة دى هى تقديم جو مستمر من الحب المتحنن (من الناس الحساسين) علشان يكون فى أمل فى تليين القلوب المتحجرة بتاعة (الناس المتحجرين).. + وعلشان ما يسوقوش فيها (قصدى الناس المتحجرين).. ويفضلوا يدوسوا على (الناس الحساسين): لازم يكون الحب ممتزج مع الحزم... ودى معادلة صعبة جداااا جداااا مش كلنا بنعرف نعملها... لكن يمكن الجُمل دى تساعدنا: (جُمل أو مواقف أو اتجاهات على لسان الناس الأولانيين الحساسين مُوجَهَة إلى الناس التانيين المتحجرين) * باقبلك بدون شروط لكن مش موافقك على تصرفاتك لأنها غلط * باحبك أنت شخصيا لكن تصرفاتك لا زالت بتجرحنى * مش هاشيل الحب من قلبى لكن هييجى وقت يمكن احتاج اتجنبك وأقلل العلاقة لأنك بتأذينى * قلبى مفتوح ليك طول الوقت بالحب لكن تحديد العلاقة بقى أمر لازم علشان أحافظ على المحبة اللى جوايا ليك + الحل التالت صعب جدا جدا... لكنه هو المناخ المناسب اللى ممكن يكون الأمل الوحيد للقرع على القلوب المتحجرة.. الخبط بالصخر على الصخر هيكون نتيجته الوحيدة هو تكسير الصخرتين.. يعنى الطرفين هيتدمروا... لكن الميه هى اللى بتقدر تنحت فى الصخرة كل يوم حتة صغيرة وتتغلب على طبيعتها المتحجرة.. مياه الحب هى الوحيدة اللى تقدر تتغلب على طبيعة التحجر... وأنهار الحب دى ربنا وهبها للقلوب الحساسة (بتاعة الناس الأولانيين) علشان تدلق منها ميه حلوة على القلوب الحجرية (بتاعة الناس التانيين)... وهو دا الأمل الوحيد فى حل الصراع... ربنا يعين الناس الأولانيين على احتمال تحجر قلوب الناس التانيين.. ويعين كمان الناس التانيين على احتمال حساسية قلوب الناس الأولانيين.. (نتقابل فى الجزء التانى عن الغفران والمسامحة) برسوم اسحق 
|
|
12 - 09 - 2017, 11:08 AM
|
رقم المشاركة : ( 2 ) | ||||
|
† Admin Woman †
|
رد: عن الغفران والمسامحة
ربنا يعين الناس الأولانيين على احتمال تحجر قلوب الناس التانيين..
ويعين كمان الناس التانيين على احتمال حساسية قلوب الناس الأولانيين.. صح يا قمر ربنا يباركك حببتي |
||||
|
|
|
12 - 09 - 2017, 07:44 PM
|
رقم المشاركة : ( 3 ) | ||||
|
..::| الإدارة العامة |::..
|
رد: عن الغفران والمسامحة
ربنا يعين الناس الأولانيين على احتمال تحجر قلوب الناس التانيين.. ويعين كمان الناس التانيين على احتمال حساسية قلوب الناس الأولانيين.. ميرسى على العظة الجميلة |
||||
|
|
|
12 - 09 - 2017, 09:05 PM
|
رقم المشاركة : ( 4 ) | ||||
|
..::| مشرفة |::..
|
رد: عن الغفران والمسامحة
ربنا يفرح قلبك
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| ليكن يوم ميلادك يوم الغفران والمسامحة والوداعة |
| اعطني روح الغفران والمسامحة |
| قصر السلام والمصالحة |
| الغفران والمسامحة |
| الميلاد والمصالحة |
العرض المتطور