ابنك مش هايفتكر ..

[Rena Jesus]

ابنك مش هايفتكر ..
القميص الغالي اللي انت جيبتهوله ..
مش هايفتكر اغلي شنطة جيبتهاله ..
ولا انك اشتغلت شغل اضافي عشان تدخله مدرسة افضل
او انك فضلتي في المطبخ 4 ساعات .. تعمليله المكرونة بالبشاميل اللي بيحبها

علي اد ما هيفتكر ..انه لما كان بيهزر ..
كنت مركز معاه قوي و ضحكت من قلبك و لما كان يقول النكتة ميت مرة ..
كنت بتضحك من قلبك اكنك اول مرة تسمعها

هيفتكر لما مكانش واخد باله ..
و فجأة بص عليك لقاك باصصله بفخر و اعجاب ..

العقل الباطن بتاع ابنك او بنتك ..بيخزن البصة ..
و الغمزة و تعبيرات وشك ..
اكتر من اي كلام ممكن يتقال او فلوس ممكن يتصرف او مجهود ممكن يتعمل

تعبيرات وشك..الحقيقية ..هي المناعة النفسية بتاعته ..
هي اللي هاتحميه في يوم من الايام من اي احساس بالرفض ممكن تواجهه ..
هي سلاحه ضد صعوبات الحياة و الشغل و الحب

في يوم من الايام ..في عز ما الدنيا مقفولة في وشه..
هيسرح و يفتكر ابتسامتك الطيبة في وشه ..و هيدمع و هيقوم و يقاوم ..
بنتك هاتفتكر ضحكة من وشك ..و هاتستخبي وراها في يوم من الايام ..

ادعم_قلب _عيالك_استثمر_فيهم_بوشك

[Mary Naeem]

بنتك هاتفتكر ضحكة من وشك ..و هاتستخبي وراها في يوم من الايام ..

ربنا يبارك حياتك

[Rena Jesus]

ميرسى لمرورك الغالى

[walaa farouk]

ادعم_قلب _عيالك_استثمر_فيهم_بوشك

ربنا يبارك خدمتك الجميلة

[Rena Jesus]

ميرسى لمرورك الغالى