الصورة المشوهة للكنيسة

[walaa farouk]

من زمان أوى و المسيح عندة مشكلة مع التعامل الخاطئ فى الكنيسة ،، كان شايف دايما ان اكتر ناس بيعلموا غلط و يضللوا الشعب هما الكتبة و الفريسين ( الخدام و الأباء الكهنة ،، حاليا ) كان دايما بيتعامل معاهم بحزم جدا لكن مكنوش عاوزين يفهموا اصلهم كانوا ( متدينين ) كانوا شايفين ان محدش فاهم غيرهم و انهم صح فى أى حاجة و هما صوت اللة فى الأرض ( كان عندهم ذات مش عند حد ) لدرجة انهم مسمعوش صوت اللة نفسة ،، المسيح قالهم : ( لَكِنِ الْوَيْلُ لَكُمْ أَيُّهَا الْكَتَبَةُ وَالْفَرِّيسِيُّونَ الْمُنَافِقُونَ! فَإِنَّكُمْ تُغْلِقُونَ مَلَكُوتَ السَّمَاوَاتِ فِي وُجُوهِ النَّاسِ، فَلاَ أَنْتُمْ تَدْخُلُونَ، وَلاَ تَدَعُونَ الدَّاخِلِينَ يَدْخُلُونَ!! ) ،،
- ( أحنا ) دلوقتى كدة فى الكنيسة بقينا عملين زى الكتبة و الفريسين ( بنحكم على الناس ،، نقول مين يخدم و مين ميخدمش ،، بنمسك فى كلام اللة و حفظينة لكن مش فاهمينة بقلبنا ) بقينا اسمنا خدام قد الدنيا لكن احنا اصلا ملناش علاقة بية اصل اسم خادم دة بتخدة لما بتذاكر سنتان و بتنجح فى امتحان فتبقى خادم ،، نسينا ان اللة خلقنا تلاميذ مش خدام ،، خلاقنا تلاميذ نبشر بية بسلوكنا و اخلاقنا و اننا نبقى على صورتة و مثالة ،،
الصورة الأصلية ضاعت و بقيت الكنيسة مجرد مكان بنهرب فية من نفسينا ،، بقينا نهرب فى الخدمة و الكنيسة علشان مواجهش نفسى بكل الغلط اللى فيها ،، الكنيسة بقيت comfort zone (شرعية ) بنضحك بيها على نفسنا و اللة ،،
أسال نفسك هو انا بخدم لية ؟!
هو انا لية بنزل الكنيسة كل يوم ؟!
بعد ماتجاوب بإمانة مع نفسك هتفهم معنى الصورة أوى و هتفهم أنك جزء من دة و مسئول أنك تغير الصورة دى ،،،

[shery jesus]

بس مش كلهم كدة يا لولو ..سورى معلش ..بلاش نعمم الصورة دى ونقول كنيسة مشوهة ..لأ لسة فى خدام واباء كهنة بيحبوا الكنيسة اوى وبيخدمو بجد ...لسة فى كنيسة يا لولو صدقينى بصورتها الحلوة

[walaa farouk]

اكيد انا معاكى انا بتكلم على فئة بعينها

ميرسى على مرورك الغالى

[Mary Naeem]

بعد ماتجاوب بإمانة مع نفسك هتفهم معنى الصورة أوى و هتفهم أنك جزء من دة و مسئول أنك تغير الصورة دى ،،،
ربنا يباركك

[walaa farouk]

ميرسى على مرورك الغالى

[marit jesus]

ربنا يبارك تعب محبتك

[walaa farouk]

ميرسى كتير على مرورك الغالى