خروف الأضحى ومذود بيت لحم( تأمل فتاة)

[walaa farouk]

امبارح و انا ماشيه في الشارع كان كله خرفان ومواشي علشان عيد الاضحي ... الريحه كانت مضيقاني جدا .. و كنت ماشيه خايفه من الحيوانات وقرفانه اقرب منها .. شويه بصيت لقيتهم بياكلوا من حوض خشب رفيع اوي و شكله وحش و قديم والارض مليانه من اخراجتهم قرفت اكتر
وبعد شوية كدا وانا ماشيه لقيت حوض خشب تاني محطوط علي جنب فاضي.. في اللحظه دي ربنا نور قلبي و بعتلي التامل ده ..
هو ده المزود يا رب... هو ده كان سرير ملك الملوك يسوع ... هو ده اول مكان اتحط فيه هي دي اول ريحه شمها .. هي دي ريحه روث الحيوانات .... ولا دي ريحة خطيتنا ..
و في اللحظه دي حسيت اني مكسوفه اوي من نفسي بقي انا قرفانه من المكان ده والمسيح اختاره علشاني!! بقي انا ماشيه علي طراطيف صوابعي من القرف و امنا العذراء تعبت وتألمت آلام الولادة في مكان زي ده ...
و قلت لنفسي لما يبقي عندي طفل و يسألني يعني ايه المزود الي بابا يسوع اتولد فيه ... هاخده عند الجزارين قبل عيد الأضحى .... افرجه قد ايه المسيح اختار ينزل لينا في مكان فقير جدا بسبب خطيتنا علشان يردنا لملكه تاني ...
.. سامحنا واغفر لنا ذنوبنا

[Mary Naeem]

سامحنا واغفر لنا ذنوبنا
ربنا يفرح قلبك

[walaa farouk]

ميرسى على مرورك الغالى مرمر

[marit jesus]

ربنا يبارك تعب محبتك

[walaa farouk]

ميرسى على مرورك الغالى مرمر

[souad jaalouk]

سامحنا يا يسوع نحن الخطأة سلمت يمناكِ أختي الغالية ولاء وباركك يسوع المسيح

[walaa farouk]

ميرسى على مرورك الغالى