منتدى الفرح المسيحىمنتدى الفرح المسيحى
  منتدى الفرح المسيحى
التسجيل التعليمـــات التقويم مشاركات اليوم البحث

اسبوع الالام
 أسبوع الآلام 

لك القوة والمجد والبركة والعزة إلى الأبد آمين

ثوك تى تى جوم نيم بى أوؤو نيم بى إزمو نيم بى آما هى شا إينيه آمين


العودة  

إضافة رد
 
أدوات الموضوع انواع عرض الموضوع
  #1  
قديم 01 - 09 - 2017, 04:19 AM
souad jaalouk souad jaalouk غير متواجد حالياً
..::| مشرفة |::..
 
تاريخ التسجيل: Jun 2017
الدولة: لبنان
المشاركات: 17,692


زوادة اليوم: المراية
بيوم من الإيام بتسأل البنت إمّها، وبتقلّها: «كيف نحنا منكون مراية بتعكُس جمال الله»؟ جاوبت الإمّ: «رح خَبرِك هالخبرية، وأكيد من خلالها بتكتشفي كيف نحنا منقوم بهالعمل. بيخبّرو عن رِجّال ومرتو كانو عايشين بضيعة فقيرة، ولا مَرّة تركو هالضيعة إلا ليزورو مدينة كانو يوصلو عليها ماشيين. لَبيوم من الإيام بيضطرّ الرِجّال يسافر على العاصمة، بسّ مَرتو خافت كتير عليه، إنما حُبّها لإلو ما سمح إنها تعارض سفرو على العاصمة، ويمتِّع نَظرو بمشاهدة القصور الملكية. بعد أسبوع رجع الرِجّال على البيت وصار يخبّر مَرتو عن الرحلة يلّي قام فيها، وقدّملها هدية حلوة كتير بعلبة مزيّنة. فتحت الزوجة العلبة، شافت لوحة معدنية مزيّنة بورود حلوة كتير. سألت زوجها شو جايبلها، طلب منها تطلّع بالميلة التانية، شافت وجّها المبتسم الحلو على الميل التاني، يلّي كانت مراية بتعكس وجّها، صرخت بدهشة: «شو هالأعجوبة، سِتّ حلوة كتير ومبتسمة»؟ بيقلّها زوجها: «هيدي صورتِك»، قالت: «مستحيل ما في حدا بالمدينة بيعرفني ليحطّ صورتي بهاللوح العجيب! أكيد هَيدي أعجوبة». خَبّت الهدية بمحلّ أمين وصارت تطلّع فيها بالشهر مرّة وكانت كتير مبسوطة.
بعد مدّة من الزمن، مرضت وكانت بنتها صارت صبية وحلوة متل إمّها، قالتلها: «رح قدّملك أجمل هدية، وعَديني ما تفتحيها إلا مرّة بالشهر، رح بتشوفيني فيها، وأكيد أنا رح كون معِك كل مرّة بتمشي بطريق الحق رح كون معِك». ما فكّرت البنت بالهدية، لأنّو كانت مشغولة بإمّها يلّي عم بتفارق الحياة. ولما ماتت الأم، تذكّرت البنت الهدية، فتحت العلبة بفرح، وتطلّعت بالمراية شافت صورتها وافتكرت إنها صورة إمّها لَـمّا كانت صبيّة، وقالت بصوت كلّو رقة وحنان: «إمّي مش رح إنساكي أبدًا، رح ضَلّ ماشية بالطريق الصحيح يلّي بيفرّحلِك قلبِك». بوّسِت الصورة وغلقتها وصارت تكرّر هالعمل كل شهر مرّة.
لاحظ البيّ إنّو بنتو عَم تمشي بالطريق الصحيح، لـمّا سألها عن السبب، قالت: «أنا عم أعمل هالشي لحتى تضلّ إمي يلّي عَم شوف صورتها مرّة كل شهر فخورة فيّي». تعجّب البيّ من حديث بِنتو يلّي خبّرتو كيف عَم بتشوف إمّها، بس البيّ عرف إنّو بِنتو عَم بتشوف صورتها يلّي كتير بتشبه إمّها»!
الزوّادة بتقلّي وبتقلّك
وجوهنا هيّي مراية بتعكس جمال يسوع المسيح يلّي ساكن بداخلنا، خلّينا ما نتأخر ونقدّملو قلوبنا هوّي يلّي قال: «يا إبني عطيني قلبك، وأكيد لما بيمتلِك قلوبنا صورتو بتتجلّى من خلال أعمالنا، والله معكن.





زوادة اليوم: المراية












رد مع اقتباس
  #2  
قديم 01 - 09 - 2017, 10:14 AM
الصورة الرمزية walaa farouk
walaa farouk walaa farouk غير متواجد حالياً
..::| الإدارة العامة |::..
 
تاريخ التسجيل: Jun 2015
الدولة: مصر
المشاركات: 376,472

قال: «يا إبني عطيني قلبك، وأكيد لما بيمتلِك قلوبنا صورتو بتتجلّى من خلال أعمالنا

ربنا يبارك خدمتك الجميلة
رد مع اقتباس
  #3  
قديم 04 - 09 - 2017, 01:57 PM
الصورة الرمزية Mary Naeem
Mary Naeem Mary Naeem غير متواجد حالياً
† Admin Woman †
 
تاريخ التسجيل: May 2012
الدولة: Egypt
المشاركات: 1,314,923

ربنا يباركك حببتي
رد مع اقتباس
  #4  
قديم 12 - 09 - 2017, 08:16 PM
الصورة الرمزية marit jesus
marit jesus marit jesus غير متواجد حالياً
..::| مشرفة |::..
 
تاريخ التسجيل: Jun 2015
الدولة: مصر
المشاركات: 22,574

ربنا يبارك خدمتك المثمرة
رد مع اقتباس
إضافة رد


الانتقال السريع

قد تكون مهتم بالمواضيع التالية ايضاً
الموضوع كاتب الموضوع المنتدى مشاركات آخر مشاركة
بصيتى فى المراية walaa farouk شبابيات الفرح المسيحى 0 28 - 09 - 2023 10:47 PM
تشجع وكن قوي الأرادة walaa farouk موسوعة توبيكات مميزة 0 16 - 06 - 2021 12:30 PM
زوادة اليوم: المراية: 10 / 2 / 2020 / souad jaalouk معاً كل يوم فى رسالة جديدة 2 10 - 02 - 2020 09:39 AM
زوادة اليوم أهم زوادة معقول نقراها souad jaalouk مواضيع وتأملات روحية مسيحية 3 17 - 04 - 2018 12:43 PM
زوادة اليوم : المراية souad jaalouk ركن أرشيف المواضيع 3 04 - 09 - 2017 01:57 PM


الساعة الآن 07:29 PM


Powered by vBulletin® Copyright ©2000 - 2025