روحى وماتوجعيش نفسك تانى

[walaa farouk]

-------------------------------------------------------
المرأة التي أمسكت في ذات الفعل !!
جابوها من قلب الخطية رموها قدام الحق "يسوع"
والكل استنى إدانته وتوبيخه .. إستنوا معتقدين أن اللي هيحصل
إن الحق "يسوع" هيديرلها ضهره وهو بيقولهم
اقتلوها المجرمة دي مش قادر ابص في خلقتها
هي نفسها كانت حاطة وشها في اﻷرض
كان عندها التراب اللي وشها سفوا أهون عليها من عيون الناس
وعقلها في لحظتها كان أكيد بيقولها إن ما من منصف طبعاً
جواها أكيد كانت متيقنة إنها مرفوضة من الكل ومبغوضة في عنيهم
جواها كانت متأكدة إن الكل قرفان منها وإن موتها مطلب عام
هي نفسها أكيد أتمنت الموت في اللحظة دي
اكيد كان قلبها بيتمني اﻷرض تتشق وتبلعها
لكن هو فاجئها وفاجئهم كلهم بقبوله وغفرانه وحبه
بصلهم وجوة منه وجع عليها .. وجوة منه دفاع عنها
هو انتوا مبتغلطوش !!
في لحظة خلاهم يمشوا وعيونهم تبعد عنها
في لحظة قبول منه طرد رفضهم وسهام إدانتهم
وبصلها بحب وقالها روحي ومتعوديش توجعي نفسك
ايوة عكس توقعاتك .. ايوة وانت في قلب الطين "الخطية" مقبول
ايوة بيسامح ولو غلط مليون مرة هيفضل يسامحك
ويقولك مغفورة الخطية .. مترجعش توجع نفسك وتهينها بالخطية تاني
لو لسة في خطيتك قوم وارفع راسك وتوب وخليك متأكد انك مقبوووووووول جدا وربنا بيحبك اووووي

[Mary Naeem]

لو لسة في خطيتك قوم وارفع راسك وتوب

وخليك متأكد انك مقبول جدا

وربنا بيحبك اووووي

ربنا يباركك

[walaa farouk]

ميرسى على مرورك الغالى مرمر