فحسب طاقتكم سالموا جميع الناس

[walaa farouk]

إن كان ممكناً فحسب طاقتكم سالموا جميع الناس - رومية 12: 18 -
قد إيه صعبة الوصية دي! وخصوصاً مع الأوضاع اللي بنعيش فيها دلوقتي، شر وخناقات ومشاكل طول الوقت، إزاي الرسول بولس بيطلب من مؤمنين رومية "يسالموا " يعني مش بس مايعملوش مشاكل، لأ كمان إنهم حتى مايردوش على الشر اللي بيحصلهم بشر ولأنها وصية صعبة قال " على قدر طاقتكم " يعني على قد ما تقدروا، بس دا مش معناه إنه اللي مش قادر يسالم، يروح يرد الإساءة بإساءة، لأن الله بيشوف قلبنا هو بيبقى عارف إحنا فعلاً عملنا كل اللي نقدر عليه ولا لأ، ولأننا بنبقى عايزين ننفذ وصيته هو بيساعدنا، بس برضه لازم يكون عندنا حكمة في اختيار الناس اللي بنتعامل معاها زي مثلاً لو أنا عارف إن الشخص دا هيأذيني ماينفعش أروح أتعامل معاه وأقول ربنا هينقذني وزي ما المسيح قال " كونوا حكماء كالحيات وبسطاء كالحمام " المسيح كان بيتصرف بحكمة ولو أنت محتاج حكمة علشان تعرف تتصرف، اطلب منه .. هل هتقدر تنفذ الوصية دي في حياتك دلوقتي؟