الناس اللي مستنيه نتيجة الثانويه العامه ..
انتوا عملتوا اللي عليكم خلاص .. الباقي بتاع ربنا .. المجموع اللي هتجيبوه مش هو اللي هيحدد شكل مستقبلكم .. مجموعك الكبير مش مقياس نجاحك .. ومجموعك القليل مش مقياس فشلك .. النجاح عمره ما كان مرتبط ب كليه معينه ولا مجموع معين .. ياما ناس دخلوا كليات م اللي بيتقال عليها كليات قمه و ف الاخر بقيوا مجرد ارقام و اتخرجوا زيهم زي غيرهم .. واشتغلوا زيهم زي غيرهم .. وعاشوا حياه ممله روتينيه معتاده .. وياما ناس دخلوا كليات عاديه جدآ واكتشفوا ف نفسهم قدرات مش عاديه وبقيوا منورين ف وسط الباقي .. ومميزين ومختلفين .. الموضوع مالوش علاقه بمجموعك ولا بكليتك .. المجموع ليه علاقه بيك انت .. انت عايز تبقي ايه .. وعايز تعمل ايه .. كل يوم ف حياتك ربنا بيبعتلك فرص لو استغلتها كويس هتقدر تكون ناجح فعلآ .. والأهم انك تعمل الحاجه اللي انت بتحبها .. مش اللي اهلك وصحابك و جيرانك بيحبوها .. امشي الطريق اللي انت عايزه ومتسمحش لحد يمشيك ف طريق مش طريقك .. وخليك متأكد ان اي تفصيله صغيره بتحصلك هي خطوه ف خطة الله ل حياتك .. وهو عارف احسن منك ايه يناسبك وايه لأ .. هو شايلك كل خير
سيبها علي ربنا واطمن
12 - 07 - 2017, 09:32 PM
رد: سيبها علي ربنا واطمن
العرض المتطور