الرباعية.. مش صلاح جاهين

[walaa farouk]

فى الجزء الواقع ما بين فكرك ومشاعرك بتلاقى صدع ما بين فكرتين اصعب من بعض و غصب عنك لازم تربط ما بينهم والا هتضيع
الفكرة هى شبيهين بعمودين الحياة و هما المشاعر و الافكار
الصعوبة انه تتحرك بالاحساس ( النابع من المشاعر)
و التحرك و التصرف بالإدراك ( النابع من الافكار )
مش كل المشاعر صادقة بالفعل لكن أحساسك اوقات بيأكد او بيرفض المشاعر كمشاعر و الحقايق كمان اوقان بتكذب فا إدراكك للأمر ممكن يكون صح و افكارك تأكد ده او تلغية
الربط ما بين الاحساس و المشاعر ... مرعب ومحتاج تدريب
و الربط كمان ما بين الافكار و الإدراك نفسة مرعب اكتر انك تدرك و تعي تماما فكرة ما لكن مش مدرك عواقبها ومش عارف تتحرك ازاى
الرباعية دى الى هى المشاعر و الاحساس .. و على الطرف التاني الافكار و المشاعر
لو حضرتك مقدرتش تمسكهم بين ايدك و تخلييهم مكس واحد شغال مع بعضه فا حضرتك هتروح ورا الشمس
التزامك بنص القانون مختلف تماما عن تطبيقك ل ( روح القانون)
ازاى تلتزم بالنص و ازاى ترحم من تحت الترابيزة و منغير متخالف القانون فى نفس الوقت
طيب لو انت او انتى و اقعة فى المصيبة دى ..مشاعرك بتقودك و احساسك مجننك او افكارك بتحركك لكن ادرادكك بيوقفك... ازاى نربط الرباعية دى مع بعض بحاجة كدة تخلى الميكس ده كله يبقى طالع نازل مع بعضة؟؟؟
للأسف هقولك الحل.. لكن الحل ده مش حل سريع ولا وقتي..
النضوج هو مفتاح ربط الرباعية الصعبة دى
لو مش ناضج فا هتتهرس ما بين فكرة انك تتقدم او تترجاع فى اى حاجة تقابلها فى حياتك. و ياما ناس كتير واقعة فى المشكلة دى و للاسف مش عارفين لها حل
خصوصا فى موضوع الارتباط ده.. قلة النضوج بيخلى صراع ال 4 محاور دى تطحن صاحبها لحد ما يحبط ومعرفش لا يتصرف ولا يختار
بنات كتير و اولاد كتير واقعين فى الفخ ده و للاسف ارتباطهم متعطل بسبب عدم نضوجهم
ادينا حكمة من عندك يا رب

[Mary Naeem]

ربنا يباركك

[walaa farouk]

ميرسى على مرورك الغالى