حرب شديدة ضد القداسات

[أسامة سمير]

حرب شديدة ضد القداسات


+ الشيطان يشن حرب خطيرة جداً على حضور القداسات , اقرأ ما فعله الشيطان لمنع المؤمنين من حضور القداسات اليومية
+ اجتماع طارئ فى مملكة الشيطان
+ قرر رئيس الشياطين عمل اجتماع طارئ وعاجل جداً لمناقشة امر خطير قد يهدد مملكة الشياطين كلها فكلف احد اعوانه من التنبيه على كل الشياطين الحضور فوراً لحضور الاجتماع
+ بدأ الاجتماع فقام رئيس الشياطين بإلقاء كلمته :
رئيس الشياطين : انا اجتمعت معكم الان لأمر خطير جدا لأنه يهدد مملكتنا جميعا
شيطان اخر: وما هذا الامر سيدى الرئيس
رئيس الشياطين : انتو عارفين من ايام البابا كيرلس وحتى الان تعلمت الكنيسة من البابا كيرلس عمل قداسات يومية واصبحت تقليد فى الكنيسة وهى عمل قداسات يومية فى اغلب الكنائس والاديرة
شيطان : وايه المشكلة سيدى الرئيس فى هذا ؟
رئيس الشياطين : مش عارف يا خويا ايه المشكلة ؟ انتم بتشوفوا الملائكة طالعة نازلة فى القداسات منظر مخيف ؟ لا احتمله , وكمان الناس بتيجى القداسات وكمان صايمة ومستعدة للتناول , وبيوقفوا بانسحاق وتزلل طوال القداسات وبيطلبوا الرحمة ويكرروا كلمة "كيرياليسون" كتير ودى بتخلينا نولع , وكمان بيسمعوا الكثير من القراءات الروحية من الكتاب المقدس حتى اللى مش بيقرأ فى بيته فبيعوض كل هذا وبيسمع قراءات كثيرة من الكتاب المقدس وكمان بيسمعوا سير القديسين فى السنكسار , شئ فظيع , والافظع من هذا كتير منهم اثناء القداس بيرحوا يعترفوا عن الاب الكاهن , يعنى صلاة وصوم واعتراف وتسبيح وبيصلوا كمان فى الاجبية والمزامير اللى بتحرقنا , وافظع شئ فى القداس هو انهم فى الاخر بيتناولوا من جسد والدم المسيح يعنى بيحصلوا على غفران الخطايا وعلى الحياة الابدية وكمان بيثبتوا فى المسيح والمسيح يثبت فيهم وبيتوحدوا ولما بيتناولو من الجسد والدم الواحد ,, والمسيح بعد التناول بيكون جواهم وبدلاً من ان نحاربهم لوحدهم اصبح المسيح جواهم نعمل ايه فى المصيبة دى؟
شيطان 1 : سهلة جدا سيدى الرئيس ممكن نشككهم فى القداسات , يعنى نبعتلهم اى احد يشككهم فى القداس ويقول لهم ايه فائدة القداسات الروتينة المملة والصلوات الكتيرة المكررة ونخليهم يبعدوا عن القداسات ونشغلهم بأنشطة كتيرة من وعظ ومؤتمرات وأشياء كتيرة المهم نبعدهم عن القداسات باى طريقة
رئيس الشياطين : برافوا عليك
شيطان 2:نخليهم يخاصموا بعض وحتى لو راح الكنيسة ميقدرش يتناول لانه مخاصم ولو كان مخاصم واتناول ياخد خطية اكبر وبكدا يبقى احنا كسبنا
شيطان 3: نخليهم يسهروا حتى الصبح ونشغلهم فى اى حاجة الملسلات والنت وحجات كتيرة وبكدا يناموا وميقدروش يروحوا القداس وحتى لو راح هيفضل نايم
شيطان 4: حتى لو راح القداس نحاول نشتت فكرة فى اى حاجة ونخلى قلبه وعقله بعيده عن الصلاة
شيطان 5 : نخليهم لا يصموا الصيامات الكنسية لاى سبب ولما يرحوا لا يستطيعوا ان يتناولوا لانهم غير صائمين وده يعتبر مكسب كبير لينا لما لا يستطيعوا التناول من جسد ودم المسيح هيكونوا ضعفاء جدا ونقدر نهزمهم فى اى خطية بسهولة لانهم لوحدهم
شيطان 6 : او نخليهم يتأخروا ويرحوا القداس متأخرين او فى نهاية القداس فلا يستفيدون اى شئ
رئيس الشياطين : برافوا عليكم ابدأ بتنفيذ الخطة فورا واتمنى اشوف الكنائس فارغة فى القداسات ومش مشكلة لو حضروا اجتماعات او مؤتمرات او يريحوا يشوفوا الخادم الفلانى المشهور او الواعظ العالمى المشهور او حلقة الصلاة فى المكان الفلانى , اشغلوهم بالانشطة والمؤتمرات بس الاهم يبعدوا عن حضور القداسات لانهم بيكونوا واحد وبياخدوا المسيح جواهم فى التناول واحنا منقدرش على المسيح اللى جواهم
+ اوعى حد يبعدك عن القداس او اى شئ يبعدك عن حضور القداسات بصفة مستمرة لانها خطة شيطانية علشان تبعد عن التوبة والاعتراف والتناول والاتحاد بالمسيح وتصبح ضعيف جدا ويقدر الشيطان يهزمك , اكبر حرب فى حياتك الروحية هى ان الشيطان يبعدك عن القداسات وبالتالى الكنيسة وبالتالى البعد عن الله
بنعمة المسيح
تأمل شخصى اغنسطس اسامة سمير

[مورا مرمر]

موضوع رائع جدااااااا
ربنا يبارك حياتك

[sama smsma]

اوعى حد يبعدك عن القداس او اى شئ يبعدك عن حضور القداسات بصفة مستمرة

صح جداااا
ربنا يبارك خدمتك

[morcos20]

+
إياك أن تبعد عن القداسـات الجميلة وصـوت الصــلوات
مهما كانت محاربة الشياطين وقتل الأرواح والمفرقعات
يسـوع إلــه قـوى يـرى ويسـمع من أعالى السـموات
***
مرقس إسـكندر مقار

[walaa farouk]

اوعى حد يبعدك عن القداس او اى شئ يبعدك عن حضور القداسات بصفة مستمرة لانها خطة شيطانية علشان تبعد عن التوبة والاعتراف والتناول والاتحاد بالمسيح

ميرسي على التأمل الجميل
ربنا يفرح قلبك

[Mary Naeem]

اكبر حرب فى حياتك الروحية هى ان الشيطان يبعدك عن القداسات وبالتالى الكنيسة وبالتالى البعد عن الله

صح الكلام

ربنا يباركك