أنا زهقان من جلدي اللي مغطي عضمي ....

Rena Jesus · رقم المشاركة : ( 1 ) 05 - 06 - 2017, 09:24 AM

أنا زهقان من جلدي اللي مغطي عضمي ....
من ملامح وشي البهتان ...
من ناس بقيت حافظ حروف كلامهم من قبل ما تبقى مجرد أصوات في راسهم ....
من الخوف ... زهقان من الخوف .... أنا أصلا جبان ... نفسي أسيبهم و أجري ... أهرب ...

طب و نفسي ....هسبها؟؟؟ أنا أصلا من نفسي زهقان ......
زهقان .... لدرجة إني مش قادر أفكر في الفرحة ....
يعني ايه أصلا فرحة؟؟؟ بتتجاب منين الفرحة؟؟؟

من البشر ..... دول مجانين ... كل يوم بحال ... و كل يوم بموال ....
مرة عاشق و هموت مش قادر ... و بعد أوان ....
لا خلاص ... لازم نفارق .... و قدرت يا فاجر ؟؟؟

منين أجيبك يا فرحة .... مني؟؟؟ من نفسي ..... ازاي .... أنا أصلا من نفسي زهقان !!!
مش عاوز أعمل حاجة .... عاوز أفضل متنح للسقف ساعات و ساعات و ساعات ....
زهقان ..... من جلدي اللي مغطي عضمي .... من ملامح وشي .... من اسمي .... من شكل الشوارع ... من لون السما .... من صوت المية ...... من زحمة المباني و الحيطان !!
زهقان ...... من السهر و البكا اللي مبيخلصش .....
من الصحيان .... لتاني يوم ..... شبه اللي قبله ... و اللي قبله .... و اللي قبله ....
هششششششششششششششششششششش ....... حتى الكلام .... خلص .... و مات غلبان !!

cpd

walaa farouk · 05 - 06 - 2017, 09:32 AM

منين أجيبك يا فرحة .... مني؟؟؟ من نفسي ..... ازاي .... أنا أصلا من نفسي زهقان !!!
مش عاوز أعمل حاجة .... عاوز أفضل متنح للسقف ساعات و ساعات و ساعات ....

ميرسي على مشاركتك الجميلة رينا

Mary Naeem · 05 - 06 - 2017, 12:20 PM

حتى الكلام .... خلص .... و مات غلبان !!
ربنا يفرح قلبك

Rena Jesus · 08 - 06 - 2017, 08:42 AM

ميرسى لمروركم الغالى
أنا زهقان من جلدي اللي مغطي عضمي ....