|
 |
 |
 |
|
|
|
رقم المشاركة : ( 1 )
31 - 05 - 2017, 08:41 AM
|
|||||||||||
|
|||||||||||
 زمان لما كنا بنروح زيارات بعد مرور وقت معين (حسب طبيعة القاعدة) .. كنت بلاقي بابا و ماما يتبادلوا نظرات معينة و يقوموا قايمين قومة رجل واحد و يقول كلمته المشهورة التي تؤشر الى انهاء الزيارة ( يجعله عامر ) !!! .. الحقيقة انا عمري ما فهمت امتى بيحددوا اللحظة اللي بيقوموا فيها و يقرروا اننا خلاص لازم نروح .. و التي يعقبها دايما محاولات و محايلات من اهل البيت للبقاء نصف ساعة كمان : "دة احنا لسة بدري ..لسة هنحضر عشا ..طب شاي ..خليكوا بس شوية القاعدة لسة هتحلو " إلخ ... و كنت انا دايما بقف ف النص مشعلقة نظري فيهم و بشارك معاهم ف المحايلة اننا نقعد النص_ساعة كمان دون خلو الأمر من بعض الدموع بحجة اني لسة ماخلصتش لعب بس للأسف دايما كان بيكون قرار بابا بالإتفاق مع ماما بإنهاء الزيارة نهائي بدون اي تراجع ..!!! فضلت كتير مش فاهمة ازاي الكبار بيقدروا يعرفوا بالتحديد انسب وقت ينسحبوا_فيه !!!؟؟؟؟ امتى بيقرروا انهم حالا لازم يمشوا ؟ و امتى ممكن بيكملوا نص ساعة كمان !؟؟؟... الحقيقة بمراقبتي لوالدي بالذات قدرت استوعب ما هو اعمق من فكرة الوقت المناسب لإنهاء الزيارة ..⌚⏰ الموضوع طلع اكبر من كدة !... فيه ناس موهبتهم في الحياة بتتشكل في رهافة_إحساسهم امتى لازم يتوقفوا و ينسحبوا من اي علاقة او مكان او مشهد .. و بيبقى انجحهم على الإطلاق هو من يملك هذا الحس ... امتة تحس انك فقدت_اهميتك او الإقبال عليك .ز. امتى تنسحب و تقول كفاية و تتوقف قبل ما تنهار او يتم الإستغناء عنك .. امتة انت اللي تقرر و يبقى السيطرة و الخطوط ف ايدك قبل ما تتسحب من تحت رجلك .. تعرف امتى يكون لوجودك ثِقل و لكلماتك أُذن و لحديثك رنة و لحضورك هيبة ... امتى تمشي و انت في كامل_قوتك ... مش هروب عن ضعف او غصب او مطرود ... اللحظة اللي بتحس فيها انك لازم تنسحب من حياة حد قبل ما وجودك يبقى تقيل .. امتى تسكت عن الكلام قبل ما الناس تمل كلامك و تقاطعك و تبطل تسمعك .. امتى تسيب ارض و انت عزيزها و تبقى الناس هتتجنن عليك و ماشبعوش منك و ماسكين فيك ..(مش يكسروا وراك قًلة) ... امتى تطاطي للريح علشان الزوبعة تعدي .. امتى تتراجع خطوة ورا علشان عندك هدف اهم .. و امتى لازم تضرب ضربتك حالا .. امتى تتنازل شوية علشان المركب تعدي و امتى كلمتك لاممكن تنزل الأرض ابداااااا اللي اتعلمته من والدي بجد .. ازاي الإنسان لازم يكون عنده الحساسية الكافية انه يعرف امتى يكون مرغوب فيه و امتى يقرر بنفسه انهاء العلاقة و إسدال الستار و يقول للكل (( يجعله_عامر )) cpd 
|
|
31 - 05 - 2017, 09:46 AM
|
رقم المشاركة : ( 2 ) | ||||
|
..::| الإدارة العامة |::..
|
رد: يجعله عامر .....
اللحظة اللي بتحس فيها انك لازم تنسحب من حياة حد قبل ما وجودك يبقى تقيل ..
مشاركة جميلة جدااااا يا رينا |
||||
|
|
|
31 - 05 - 2017, 12:06 PM
|
رقم المشاركة : ( 3 ) | ||||
|
† Admin Woman †
|
رد: يجعله عامر .....
و امتى لازم تضرب ضربتك حالا .. امتى تتنازل شوية علشان المركب تعدي و امتى كلمتك لاممكن تنزل الأرض ابداااااا ربنا يباركك حببتي |
||||
|
|
|
03 - 06 - 2017, 08:10 PM
|
رقم المشاركة : ( 4 ) | ||||
|
..::| الاشراف العام |::..
|
رد: يجعله عامر .....
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| يجعله مرغوب فيه |
| يجعله ممتاز |
| الاستسلام ما يجعله دائم |
| هل قص الشعر يجعله أثقل |
| نجل القرضاوي معلقًا على "السيسي مشيرًا": يجعله عامر |
العرض المتطور