كسفتونا بقوة ايمانكم ...

Rena Jesus · رقم المشاركة : ( 1 ) 29 - 05 - 2017, 04:07 PM

مش مستغربه ان في واحد معندوش قلب يمسك رشاش و يقتل طفل صغير بدم بارد..العالم دا بقي فيه مسوخ كتير
بس اللي مستغربه فعلا ان طفل صغير مايكملش 10 سنين يبقي جواه قوة و شجاعة و ايمان انه يقف قدام وحش زي دا و يقوله "لأ، أنا مسيحي"!!

مستغرب ان ستات "اللي بنقول عليهم بيخافوا" يبقوا ب100 راجل و يرفضوا ينكروا ايمانهم...حتي لو علي رقبتهم!!!

شكله ايه الكاهن بتاعكوا اللي طلع ولاده أبطال إيمان كدا؟؟!
شكلهم إيه خدامكم اللي علموكم و شربوكم الايمان عشان يبقي ثابت ف قلوبكم أوي كدا؟!!!
شكله ايه بيتكم و اهاليكم اللي ربوا رجالة بحق و حقيقي كدا؟؟!

ياريت حد م الناس دي يحكلنا كانوا بيربوهم ازاي و بيعلموهم ايه ف مدارس الاحد....عشان نعرف نربي زيهم
كسفتونا بقوة ايمانكم...و خوفتوني علي ولادي ف الخدمة
لحسن يبقي كل اجتماعتنا و حفلاتنا و كرنفالتنا و مؤتمرتنا دي بنعملها...و منبقاش جهزناهم صح ليوم زي دا!!
بقي عندنا قديس ابانوب جديد مابيخفش...و قديس ونس جديد مابيتهددش
بقي عندنا ست رفقة جديدة شافت ولادها بيتقتلوا قدامها عشان المسيح!!!
مبروك عليكم السما...و مبروك علينا الدرس و يارب نتعلمه

Mary Naeem · 29 - 05 - 2017, 04:11 PM

بقي عندنا قديس ابانوب جديد مابيخفش...و قديس ونس جديد مابيتهددش
بقي عندنا ست رفقة جديدة شافت ولادها بيتقتلوا قدامها عشان المسيح!!!
مبروك عليكم السما...و مبروك علينا الدرس و يارب نتعلمه

ربنا يباركك حببتي

walaa farouk · 29 - 05 - 2017, 06:48 PM

بقي عندنا قديس ابانوب جديد مابيخفش...و قديس ونس جديد مابيتهددش
بقي عندنا ست رفقة جديدة شافت ولادها بيتقتلوا قدامها عشان المسيح!!!
مبروك عليكم السما...و مبروك علينا الدرس و يارب نتعلمه

ربنا يبارك حياتك

Rena Jesus · 31 - 05 - 2017, 07:41 AM

ميرسى لمروركم الغالى
كسفتونا بقوة ايمانكم ...