|
 |
 |
 |
|
|
|
رقم المشاركة : ( 1 )
15 - 05 - 2017, 08:09 PM
|
|||||||||||
|
|||||||||||
|
ازاي تختار اللي تحبها .. للرجال فقط  ١. اشتغل على نفسك الاول و حاول تنمو بشخصيتك .. احترم نفسك و ارفع من قدرك عشان لما تكون راضي عن نفسك هتلاقي الناس بتحترمك ٢. قدم انت الحب الاول .. الرجل لازم يحب مراته .. لازم تحب كل حاجة فيها و هي في اسوأ حالاتها .. حبيبتك مش هتعيش طول ايامها معاك زي فترة الخطوبة او يوم الفرح و طبيعي تمرض و تتعب و تتعصب ... الخ من الحاجات العادية اللي انت بتتقبلها على نفسك عادي ٣. سيبك من الماديات خالص .. علاقة الزواج القائمة على الماديات هتنتهي في المحكمة بصراع على الماديات برضه .. لا ينفع انت تقعد تحوش عشان تبهرها ولا ينفع تفكر ترتبط بواحدة من اسرة غنية عشان ترتاح ... دة كدة مش عقد زواج دة عقد بيع و شراء ٤. العائلة اللي تتكلم معاك في الماديات قبل ما تتعرف على شخصيتك و طموحك سيبك منها تماما ... البنت لو مختلفة و عايزاك وواقفة جنبك و مستحملة انك مفلس دة شئ تاني لكن لو لقيتها ماشية في نفس السكة او بتلمح ... اجري يا مجدي ٥. ركز على الشخصية .. البنت اللي تخاف على مالك و تستخسر تخرج في فسح غالية او انك تشتريلها حاجات كتيرة عشان توفر عليك و تقولك حرام انت بتتعب عشان الفلوس دي، البنت اللي لما تلاقيك تعبان متسيبش ايدك و تلف معاك على الدكاترة مش تقلعلك الدبلة و تقولك اصل بابا قالي انك مش هتكمل معايا كتير مثلا، البنت اللي تفرح بكيس فيشار على كنبة في البيت قدام برنامج لاحمد امين وهي جنبك ببلاش احسن عندها من فيلم The Beauty & the Beast في سينما 3D ، البنت اللي لما تروح تختار معاك الشبكة تنقي ارخص حاجة عشان يبقى اسمنا اشترينا بس سيبك من الهبل دة ... ٦. البنت اللي هتكون سند ليك .. اللي بتتحول لقطة شرسة و هي بتدافع عنك لما حد يقول عليك كلمة وحشة حتى من اهلها .. البنت اللي تكون سايب كل حياتك لها و انت واثق انك هترجع هتلاقي الحاجة فيها بركة و بتزيد عشان هي بتعتبرها امانة منك و ان دي حاجتها زيك بالظبط ٧. الجمال المقبول مش لازم تكون هيفاء وهبي .. لما تلاقيها جميلة اوي و سطحية حبك و انبهارك لجسدها مش هيدوم مع الوقت و المواقف لكن لو شخصية حلوة و جمالها مقبول انه يشد عينك شوية شوية هتلاقي نفسك معجب بتصرفاتها و مواقفها ووقفتها جنبك .. هتبقى عايز تشوفها بتضحك عشان ضحكتها دي هي اللي هتخليك تحس برجولتك فعلا مش جسمها .. فرحتها بيك و بالحاجات البسيطة اللي بتعملها هي اللي هتفرق جامد في حياتك ٨. تكون بتحب اهلك .. لما اثنين بيتجوزوا بيبقوا واحد يعني امها دي امك و امك بتبقى امها .. لاااازم تعلمهم يحبوا بعض .. تيتة وجودها مهم في حياة اولادك بتفرق ولو بتكره ماما شوف بقة اللي هيحصل كلمة بايخة من هنا على تصرف رخم من هناك شوية كدة و تلاقي ماما بتمنع العيال يروحوا لتيتة اللي هي مامتك و انت تبدأ تكره مراتك و تتخنق لانها بتقلل من اهم انسانة في حياتك و هكذا ... لازم تكون عندها استعداد تحب اهلك ولو على الاقل خالص تكون قابلة انها تتكلم معاهم بدوت خناقات ٩. تشجيعها ليك مهم جدا .. لان انت الرجل و المسئول الاول عن ادارة البيت ماديا انت محتاج تاخد دفعة معنوية حلوة من البنت .. يعني لما تيجي تتكلم معاها عن مشاكلك في الشغل لازم تكون قادرة تسمعك .. لو لقيتها بتقولك "بيبي معلش بعمل ظوافري لما هخلص هكلمك" و بعد ٦ ساعات تلاقيها بعتالك رسالة "بيبي معلش بابا جه و مش هعرف اكلمك ابقى احكيلي بعدين .. مواه" بما معناه .. روح عض في الارض انا هعرف انام عادي طول ما ظوافري بخير مفيش حتى كلمة ربنا معاك او حقك عليا و سيبك من اللي مضايقك تعرف مت المؤشرات دي انها شخصية باردة و مش مهتمة بمشاكلك طول ما انت بتخبط الارض بتجيب فلوس ١٠. دي هتكون ام عيالك .. ترضى ام عيالك تكون واحدة تافهة او سطحية بس حلوة اوي و امورة بس دي مواصفاتها .. طب ترضى انها تكون فاقدة لكل معاني الانوثة بس جادعة؟ اعتقد انك لازم تختارها و تشتغل معاها على تطوير شخصيتها (هي اللي هتربي مش انت) عشان تأثيرك عليها هينطبع على حياتك بالكامل و عشان كدة قلتلك في الاول خالص (اشتغل على نفسك كتير) ١١. اللي ناوية تشيل معاك متكونش عبء ... لو لقيت واحدة طموحة و عايزة تستحمل قرف الشارع و المديرين و الشغل و رخامة العملاء و خلافه عشان تساعدك في المصاريف او عشان تحقق طموحها و تحس باهميتها في المجتمع دي تشيلها على راسك .. في بنات نفسها في خمسة عين عربية .. عزبة .. عيادة .. عائلة .. عيال ... دي اقصى طموحاتها و عايزاهم ع الجاهز مش هتشتغل معاك فيهم غير في الحمل بتاع العيال او انها تسوق العربية بس. ١٢. مش لازم تكون بتعرف تطبخ ... يعني لما تكون البنت دي فنانة تشكيلية مثلا و انت اساسا شغلانتك شيف يبقى مين اللي يطبخ بزمتك؟ ما كفاية عليها انها توضب و تنظف ولو انت نفسك في الطبخ احسن اطبخ انت و بلاش تعرض نفسك لامراض معوية مزمنة ... اتعب احسن و بلاش تغامر .. الطبيخ مش اساس في العلاقة الزوجية نهائي امهاتكم موجودة اول سنتين جواز و الدليفري كمان لطيف لغاية ما تتعلموا مع بعض تنظموا حياتكم. خلاصة القول .. الزواج دة شركة ملك اثنين .. كل واحد منهم له ادارة معينة بيبدع فيها .. لازم تتكلموا مع بعض مين يتخصص في ايه و مين يدير ايه؟ لازم تتعاونوا مع بعض و تكون البنت دي على استعداد حقيقي انها تتعب معاك عشان تكبروا سوا ... اختار المثقفة الواعية الي دماغها توزن بلد .. اختار اللي تحترمم و تقدرك و تبارك في القليل اللي معاك يزيد في ايديها .. اختار الي تكبر بيك قدام الناس و قدام اهلها و متمسكة بيك مهما حصل اختار صح عشان اختيارك دة يا اما هيكبرك في طريق مستقبلك يا اما هيوقعك في شر اعمالك ... اختار صح عشان ربنا يباركلك لانك فعلا تعبت عشان توصل للانسانة اللي تكملك .. cpd 
|
|
15 - 05 - 2017, 08:11 PM
|
رقم المشاركة : ( 2 ) | ||||
|
..::| الإدارة العامة |::..
|
رد: ازاي تختار اللي تحبها .. للرجال فقط
اختار صح عشان ربنا يباركلك لانك فعلا تعبت عشان توصل للانسانة اللي تكملك .. ميرسى على مشاركتك الجميلة رينا |
||||
|
|
|
16 - 05 - 2017, 11:31 AM
|
رقم المشاركة : ( 3 ) | ||||
|
† Admin Woman †
|
رد: ازاي تختار اللي تحبها .. للرجال فقط
اختار صح عشان ربنا يباركلك لانك فعلا تعبت عشان توصل للانسانة اللي تكملك .. في منتهى الجمال يا قمر ربنا يباركك |
||||
|
|
|
18 - 05 - 2017, 07:21 AM
|
رقم المشاركة : ( 4 ) | ||||
|
..::| الاشراف العام |::..
|
رد: ازاي تختار اللي تحبها .. للرجال فقط
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| مش واثق فى اللى شايفهم هثق فى ربنا اللى مشفتوش ازاى |
| إزاي أعرف الوظيفة اللي بحبها؟ 😍 |
| المسيح عايزك انت اللى تختار |
| الاستايلات اللى بحبها styles I like |
| يا بختها اللى هكون مرات ابنها |
العرض المتطور