كن صلبا .... فانت لم تعد طفلا بعد

[Rena Jesus]

عمرك سألت نفسك ليه بشرة الأطفال بتكون ناعمه اوي ونضرة اوي ؟
السبب ان فيه مادة بتكون على بشرة الطفل مع الولادة اسمها(فيرنيكس)
هي دي اللي بتحافظ لفترة على نعومة ونضارة بشرة الطفل
وبعد كده مع الاهتمام بالطفل والحفاظ عليه من الشمس والظروف البيئية بتفضل بشرته جميلة وناعمة.

لكن مع بداية خروج الطفل للشارع والتعرض للشمس والتراب واللعب.
بيقع ويتجرح و..و... وتبدأ بشرته تبقي اكثر خشونه.
والفرق بين ايد ( المزارع ) وايد الطفل.
بيدل على الفرق بين اللي بيعانيه المزارع وبين اللي بيعانيه الطفل.

ركز معايا بقي.
زي ما جلد الانسان من بره بيتغير من الطفولة للكِبَرْ.
برده الانسان من جوه بيتغير من الطفولة للكِبَرْ.
1. زي ما تعرضك للشمس والتراب بيأثر على بشرتك.
برده تعرضك للمواقف الحياتية بيأثر على قلب ( الطفل اللي جواك ).
2. لو انت من الناس اللي حاسين انهم لسه اطفال.
احب اقولك نظرتك للحياة مش هاتفضل زي ماهي ف ( تهيئ للقادم يا صديقي ).
3. ولو انت تعبان انك بتتغير.
فاحب اقولك ده طبيعي ( هكذا الحياة ).
4. ولو انت مستغرب من الحياة القاسية. احب اقولك
( لا بأس يا صديقي ستعتاد الأمر )
5. ولو بدأت تتغير وقلبك بيتغير مع الظروف. احب اقولك
( انت مش وحش ولا حاجه. دي طبيعة الحياة. بس خليك معتدل ).
6. ولو انت صعبان عليك الناس اللي بتتغير من حواليك. احب اقولك
( لا عليك يا صديقي. هكذا الحل دائما )

⬅ انا عاوزك تكون ( ناضج ). فاهم الحياة .
وبتتعامل معاها وانت عارف طبيعتها.
بتتعامل معاها وانت فاهمها.
بتتعامل معاها زي ما الأب بيتعامل مع ابنه الصغير اللي بيكون متوقع تصرفاته. وبيبتسم من افعاله.

⬅ اوعي تقضي على الطفل اللي جواك. خلي دايما فيه بواقي جواك
⬅ كن صلبا 💪 فانت لم تعد طفلا بعد 😊.

[walaa farouk]

ميرسي على مشاركتك الجميلة

[shery jesus]

موضوع راااااااااائع بجد

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم الغالى

[MenA M.G]

موضوعك مميز .. طرح رائع
ربنا يبارك خدمتك