كتير جدا بقابل امهات عندهم حاله ياس رهيبه ان علاقتهم بولادهم ممكن ترجع
الياس ده بيخليهم ميبقوش عاوزيين يحاولوا اصلا لانها مقتنعه ان هي السبب وأنها كده كده بوظته
وتبتدي بقي تسقط اي غلطه يعملها الطفل علي فشلها هي
وان كل عيوبه هي السبب فيها
بما فيها
مشاكله مع مدرسينه
مشاكله مع اصحابه
تحديات المرحله اللي هو فيها
طباعه وجيناته
والإجهاد
والزحمه
والكابتن اللي بيطلعوا القديم والجديد
و
و
و
زي ما تكون هي كمان السبب في قلبه الجو اللي احنا فيها
ارجوكي وقفي جلد ذات
في جزء طبعا انت مسئوله عنه واجزاء كتير لا
حتي اللي انت شايفه انك مسئوله عنه فيه كلام
فيه كلام لانك عندك تحديات مع تربيتك
مع زوج مش قادر يوفي احتياجاتك سواء كان قاصد او غصب عنه
فيه كلام لان الصحه والاهتمام بيها في البلد دي مش احسن حاجه
في كلام لانك لِسَّه ماخدتيش فرصتك ان تتعلمي ك تربي ازاي
في كلام لانك لِسَّه مخدتنيش فرصتك في انك تتشجعي وتتشكري ويتقالك كتر خيرك
في كلام كتير قبل ما تحكمي علي نفسك انك ام وحشه وفاشله
فكري في الحل مش الظروف ولا اللي فات ولا الماضي
فكري في الحل ومتحكميش علي اللي جاي انه يبقي زي اللي فات
فكري وطمني نفسك لانك بكل عيوبك دي انت اهم حد عند ولادك وأجمل ام في عينيهم
