مرة سمعت شخص بيقول " ماتخليش الضيقة تطلعك من الصلاة، يونان كان متضايق وفي بطن الحوت، ومكانش قدامه حاجة يعملها غير الصلاة، وبعديها كل حاجة اتصلحت"!
وفعلاً ده حقيقي.. لما بنكون متضايقين، مش بنقدر نصلي، ممكن نروح نتكلم مع حد ونشاركه باللي جوانا، لكن بصراحة مش عارفة ليه مش بنقدر نروح لربنا - أنا مش بوجه اللوم لأي حد - لأني أنا كمان بعمل كده! احساسنا برده ان اللي قدامنا ده شخص هيقدر يفهمنا ونعرف نتاثل مع بعض ده بيقرق أوي..
ربنا بيحط في حياتنا ناس كده، علشان تبقى سند لينا وضهر في الفرح وفي وقت الأزمات، بس دا مايمنعش اننا نروح لربنا..
لو في حياتك ناس بتساندك أشكر ربنا عليهم، ولو مافيش اتعلم كون انت الشخص اللي بيساند ،وهتعرف تعمل كده كويس لما تروح لربنا وتقعد معاه، والسندة اللي بيديهالك، هتعرف تسند بيها ناس تانيين .. خلونا نكون بركة لبعض..
