حسيت قبل كده إن مميزاتك ساعات بتكون عائق فى حياتك...
يعني إجتهادك وذكائك ونشاطك..بتخلى ناس تشيلك شغلها ...
فتضايق من طبعك الحمقى فى الشغل ودمك الحامى ....
اهتمامك ورعايتك للى حواليك ....
بتسببلك احباط لما متلاقيش حد بيوقف معاك وقت ضيقتك.
اهتمامك بالتفاصيل وذوقك العالى...
بيخلى كل خروجه ومناسبه بقت هم وقلبه دماغ...
كتير بيحصل معانا لما نفقد جانب المرونه...والتوازن...
ومنتحكمش فى اننا نقول لا...
لما أجتهادنا وذكائنا يغلب على اننا نعلم اللى حوالينا عشان مش صابرين عليهم...
فينتهي الموضوع بانك دايما شايل الليله.
لما اهتمامك بالتانين ورعايتك يغلب على مراعاة احتياجاتك الشخصيه وانك تطلب المساعده وقت الحاجه...
ومتعرفش تقول لا لطلبات الناس اللى بتيجي على حسابك...
لما متعرفيش تقولى لا لنفسك ...
فى طبع غلب عليكي...فى فكرة متمسك بيها موقفه حياتك...
فى افتراض مفترضه عشان تحمي نفسك..
شويه توازن ربنا يكرمكم
