|
 |
 |
 |
|
|
|
رقم المشاركة : ( 1 )
27 - 02 - 2017, 11:01 AM
|
|||||||||||
|
|||||||||||
|
بابا .. هو احنا رايحين فين ؟! _ ماشيين يا بنتي .. رايحين نقعد عند ناس قرايبنا .. طيب وبيتنا .. خلاص يا بابا هنسيبه .. هنسيبه ليه ؟ _ علشان لو فضلنا عايشين فيه داعش هتيجي تقتلنا .. بعتوا تهديدات لكل المسيحيين ف العريش ان اللي هيفضل ف بيته هيتقتل .. بس احنا يا بابا معملناش ليهم حاجه وحشه .. معملناش اصلآ حاجه وحشه لحد _هما مش عايزين يقتلوننا لاننا عملنالهم حاجه وحشه .. هما عايزين يقتلونا لاننا مسيحيين .. .. وفيها ايه يا بابا نكون مسيحيين .. ؟ _فيها ان الشيطان مش عايز يشوف ولاد ربنا مرتاحين .. وبيعمل اي حاجه علشان يضايقهم .. وداعش هما ايد الشيطان ع الارض .. طيب وربنا هيسيبنا كده ؟ _ربنا عمره ما بيسيب ولاده .. واي حاجه بيعملها بتكون لمصلحتنا .. حتي لو شايفين انها كلها تعب ووجع .. طيب وفين عمو السيسي .. هو ميعرفش اللي بيحصلنا يا بابا ؟! _ السؤال ده الوحيد اللي معنديش اجابه ليه .. بسأله لنفسي ومش عارف الاقي رد .. بس ده الطبيعي يا بنتي .. البلد دي مبتجبش حق حد .. انا مش عايزه حاجه غير اني ارجع لاوضتي وكتبي ومدرستي .. صاحبتي زينب اللي بتقعد معايا علي نفس الدكه هتوحشني يا بابا .. هو انا كده مش هشوفها تاني ؟! _ محدش عارف يا بنتي .. مفيش حاجه بعيده علي ربنا .. اكيد هتتقابلوا تاني .. انا عايزه اكتبلها جواب يا بابا .. انا همليك وانت تكتب .. ممكن ؟ _ ممكن يا حبيبتي .. قولي وانا هكتب وراكي .. صاحبتي زينب .. ازيك .. يارب تكوني كويسه .. انا عارفه انك زعلانه اني مشيت .. وماما قالتلي انك كنتي بتعيطي عليا .. انا اسفه .. انا كمان كنت بعيط .. وبعيط اني مش هقعد جنبك تاني ف الفصل ولا هنلعب سوا .. متزعليش مني اني سبتك .. غصب عني .. في ناس وحشه عايزه تموتنا وبابا قالي اننا لازم نمشي .. سلميلي ع المس بتاعتنا وخلي بالك من عروستي اللي نسيتها عندك ف البيت .. واوعي تقعدي واحده غيري جنبك ع الدكه .. انا هرجع تاني علي فكره .. مش عارفه امتي بس هرجع .. وهنتقابل تاني <3 هتوحشيني صاحبتك _ كيرستين 24 فبراير .. 2017 #اقباط_العريش 
|
|
27 - 02 - 2017, 11:27 AM
|
رقم المشاركة : ( 3 ) | ||||
|
† Admin Woman †
|
رد: رسالة بنت من العريش
ربنا يبارك حياتك |
||||
|
|
|
27 - 02 - 2017, 02:40 PM
|
رقم المشاركة : ( 4 ) | ||||
|
..::| الاشراف العام |::..
|
رد: رسالة بنت من العريش
ربنا يرحمناااااااا
ميرسى ربنا يبارك تعب محبتك |
||||
|
|
|
27 - 02 - 2017, 03:41 PM
|
رقم المشاركة : ( 5 ) | ||||
|
..::| الإدارة العامة |::..
|
رد: رسالة بنت من العريش
ميرسى كتير على مروركم الغالى |
||||
|
|
 |
|
العرض المتطور