مين يدوق كل الحب ده ويكتفي

walaa farouk · رقم المشاركة : ( 1 ) 22 - 02 - 2017, 07:14 PM

من العادات والتقاليد اليهودية في الزواج انه العريس يتقدم للعروسة ويشوفها لو معجبتوش بيمشي ولو عجبته بيقول أنا عطشان فلو هي وافقت بتروح تجيب كوبايه عصير عليها حاجة زي المر وبعدين يشرب كأنها بتقوله أنا موافقة ادخل العلاقة دي بحلوها ومرها ونبقي احنا الاتنين واحد . يسوع لما قال علي الصليب انا عطشان مكنش بيقول كدا عشان نتعاطف معاه ، هو اه كان تعبان فعلا بس كأنه بيسأل عروسته هتقبلي تدخلي معايا في عهد وعلاقة أبدية مش بتنتهي . وكأن يسوع وصله الجواب لما شرب الخل المر . بعدها قال قد أكمل خلاص أنا عملت اللي جاي عشانه العلاقة أكتملت . يسوع دخلنا معاه في علاقة وهو بيقول يا عروستي يا حبيبتي ماشفقتش عليكي بكام نقطه من دمي ، ولا اتبرعتلك بجزء منه عشان تخلصي به نفسك . لكن انا خلصته عليكي عشان استرك وابسط ذيلي عليكي . بيقولوا ان الحب أعمي ، بس هو كان شايف كل عيوبنا وعارفها وحبنا للمنتهي . مكنش مستني يشوفنا ونعجبه الأول عشان يقرر انه يقبلنا لكنه كان قرار صادر مع سبق الإصرار من قلب الاله نفسه.
مين يدوق كل الحب ده ويكتفي