|
 |
 |
 |
|
|
|
رقم المشاركة : ( 1 )
21 - 02 - 2017, 02:38 PM
|
|||||||||||
|
|||||||||||
 يمكن الموضوع ميكونش مهم للنسبة للبعض الا اني حابب اتكلم معاكم فيه كنت في رحلة وبنتي على دراعي ، وكان فيه واحد بيدق صلبان للناس ، وطبعا كتير راح يدق لعياله ويدق لنفسه فلقيت شخص لطيف جاي بيقولي مش هتدق لبنتك ! قولتله لأ قالي لأ !! ازااااااااي ده انا توقعتك هتكون اول واحد قولتله اشمعنى يعني ! قالي قارفنا ليل نهار كلام عن ربنا ومش عايز تدقلها !! قولتله ايه العلاقة !! وبعدين وايه يضايقك في اني ادقلها أو لا ، انا مش هدقلها انت هتشاركني ! قالي ليه ! قولتله لأن الموضوع مش عقائدي ومجرد عاده فأنا هديها حرية الأختيار حابه تعمل العاده دي ولا لا ، بمعني انها لما تكبر وتبقى صاحبة قرار في حياتها تبقى تقرر ، أما اي فرض في ايماننا المسيحي الأرثوذكسي فده الزام عليا كأب اشربهولها وهي صغيره ، زي التناول والأعتراف والمعمودية وقراية الكتاب المقدس وحضور مدارس الأحد بإنتظام .. اغرس فيها عقيدتي الأرثوذكسية واخلي المسيح في قلبها مش مجرد علي ايديها انتوا عارفين المشكله فين !! المشكلة اننا للاسف خدنا عادات اختيارية موروثة وحولناها مع مرور الوقت الى تقليد مفروض ، يعني الشئ بقى فرض عليك زي بالظبط موضوع تبوس ايد ابونا ولا لا  ارجوكم متقللوش قيمة الحاجه بتحولها لفرض كون انكم متعودين على حاجه ده مايديلكمش الحق ابداً في انكم تفرضوها على غيركم بمعنى اني ماينفعش افرض حاجه على حد لمجرد اني اتعودت اعملها .. طالما الموضوع مش في صميم عقيدتك ، اعتقد من حقك تختار دي عادات موروثه ، مش غلط تدق ومش غلط ماتدقش يعني ماينفعش افرض حاجه على ابني بالعافيه لمجرد ان الناس عمموها وخلوها الزام ، انا مالي ومالهم ، وماينفعش تقولي على كده بقى استنى لما يكبر علشان اسأله اعمده ولا لا ، او اناوله ولا لا ، حضرتك ماينفعش تساوي اسرار كنسية بعادات شعبية ، متخلطش الامور خلاصة الكلام ان انا مش بنقد اللي داقق صليب ولكن بقول هدي لبنتي حرية الاختيار في انها تدقه ولا لا ، وأعتقد أن حرية الاختيار دي مش خطية تحاسبوني عليها ثانيا البابا تواضروس مش داقق صليب . يعني الموضوع مسألة اختيار حابب تدق ولا لا وعلى فكرة انا داقق اتنين ، واحد بابا دقهولي في دير الشهيد ابانوب وانا عندي 5 سنين وواحد تاني انا دقيته بنفسي في دير مارجرجس بمت دمسيس وانا عندي 20 سنة 
|
|
21 - 02 - 2017, 02:56 PM
|
رقم المشاركة : ( 2 ) | ||||
|
† Admin Woman †
|
رد: دقه_في_قلبك_قبل_ايدك
مشاركة جميلة جدا ربنا يبارك حياتك |
||||
|
|
|
21 - 02 - 2017, 05:07 PM
|
رقم المشاركة : ( 3 ) | ||||
|
..::| الاشراف العام |::..
|
رد: دقه_في_قلبك_قبل_ايدك
ميرسى ربنا يبارك تعب محبتك
|
||||
|
|
|
21 - 02 - 2017, 08:48 PM
|
رقم المشاركة : ( 4 ) | ||||
|
..::| الإدارة العامة |::..
|
رد: دقه_في_قلبك_قبل_ايدك
ميرسى كتير على مروركم الغالى
|
||||
|
|
العرض المتطور