|
 |
 |
 |
|
|
|
رقم المشاركة : ( 1 )
19 - 02 - 2017, 07:16 PM
|
|||||||||||
|
|||||||||||
|
- شوفت فيديو قبل كدة المذيعة كانت بتسأل الناس ف الشارع ايه اصعب انواع الفقر ؟! اغلب الناس كانوا بيقولوا اللي مش لاقي ياكل .. اللي معندوش مكان يعيش فيه .. اللي مش قادر يعالج ولاده .. بس فيه راجل قال " الوحدة افظع انواع الفقر " و ضحك كدة ضحكة مكسورة و مشي .. - مرة واحدة فقدت شخص كانت بتحبه و لما حاولت اعرف منها ايه سبب بعده قالتلي وهي بتعيط " دا ذنب حد سبته زمان و ربنا بياخدله حقه " .. - في مقولة بتقول " اذا سكنتم القلوب .. فأحسنوا سكناها " .. - حد كان كاتب علي الفيس بوك " ان تكون جافا منذ البداية .. أفضل " .. وقفت قدام البوست شوية و مبقتش عارفة هو فعلا لو حد من اول ما عرفناه و هو بيغلط فينا احسن ولا لما يكون ف الاول كويس و يتغير بعد فترة كبيرة احسن ؟! .. - اعرف حد كان لي اصحاب كتير جدا و مرة واحدة بقي لوحده .. لوحده لدرجة انه ف مرة قال انا والله مش عارف لو جيت اعمل فرح هعزم مين .. مفيش صحاب و ضحك ! - من كام يوم واحدة كانت كاتبة " مضيت و تركتهم لله .. أنسوا انه كما تدين تدان ؟! " - كنت بسمع ف المسلسلات جملة بتقول " نام مظلوم ولا تنام ظالم" ... عارفين يا جماعة احنا مشكلتنا حاجة واحدة .. اننا نسينا واجباتنا ايه .. نسيناها لدرجة اننا بقينا نكسر ناس من غير ما ناخد بالنا .. بقينا نقول كلام يوجع و نبرر لنفسنا و نقول اصل معلش احنا دبش شوية .. احنا مبنعرفش نجامل .. احنا علي نياتنا !! لما بتحصل مشكلة بنبقي شايفين نفسنا مظلومين دايما .. بس عمرنا ما جربنا نحط نفسنا مكان الطرف التاني .. عمرنا ما خرجنا برة المشكلة و بصينا عليها من برة او من بعيد ف حسينا بالذنب مثلا .. طول الوقت بندور علي اشخاص خارقين .. فيهم كل حاجة حلوة و مفيهومش ولا عيب بس ولا مرة سألنا نفسنا هو احنا فينا الحاجات اللي بندور عليها ف ناس تانية ؟! كام مرة زعلنا من اصحابنا لاسباب تافهة و قولنا دول مش حاسين بينا و لو هما زعلوا مننا لنفس الاسباب نستغرب و نقول دول دماغهم صغيرة ؟! ... كام مرة كان حد بيعاتبنا علي حاجة عملناها و قلبنا الموضوع و خليناه هو اللي يحس انه غلطان ويعتذرلنا كمان ؟! .. كام موقف هزرنا فيه و قولنا كلام يضايق و ضحكنا و مفكرناش ف الشخص اللي اتريقنا عليه دا مخبي إيه ورا ضحكه ؟ احنا محتاجين قبل ما ندخل اي علاقة نعرف واجباتنا قبل ما ندور علي حقوقنا .. محتاجين نحترم مشاعر غيرنا و نفكر ف الناس زي ما بنفكر ف نفسنا بالظبط .. صدقونى ابشع حاجة ممكن نعملها اننا نكون سبب ف دموع حد .. بلاش نوصل حد انه يقول الوحدة افضل من الناس .. بلاش ندخل حياة الناس بمزاجنا ونخرج منها بردو بمزاجنا من غير ما نعمل حساب لحياتهم هما بعد كدة هتبقي ازاي .. بلاش نكسرهم و ندور لنفسنا علي اسباب وهمية عشان بس نريح ضميرنا .. احنا محتاجين نسأل علي اصحابنا اللي منعرفش عنهم حاجة من فترة كبيرة .. محتاجين نعتذر للناس اللي سبناهم لوحدهم .. محتاجين نتغير .. احنا اسوأ بكتير مما نبدو عليه .. بس مش شايفين دا طول الوقت 
|
|
19 - 02 - 2017, 07:42 PM
|
رقم المشاركة : ( 2 ) | ||||
|
..::| الإدارة العامة |::..
|
رد: احنا اسوأ بكتير مما نبدو عليه ..
روووووعة يا رينا
ربنا يفرح قلبك |
||||
|
|
|
20 - 02 - 2017, 12:05 PM
|
رقم المشاركة : ( 3 ) | ||||
|
† Admin Woman †
|
رد: احنا اسوأ بكتير مما نبدو عليه ..
مشاركة جميلة جدا ربنا يبارك حياتك |
||||
|
|
|
20 - 02 - 2017, 12:11 PM
|
رقم المشاركة : ( 4 ) | ||||
|
..::| الاشراف العام |::..
|
رد: احنا اسوأ بكتير مما نبدو عليه ..
ميرسى لمروركم الغالى
 |
||||
|
|
|
28 - 04 - 2017, 07:22 AM
|
رقم المشاركة : ( 6 ) | ||||
|
..::| الاشراف العام |::..
|
رد: احنا اسوأ بكتير مما نبدو عليه ..
ميرسى لمرورك الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الحيوانات اللآحمة اليوم ليست أصغر بكثير مما كانت عليه من قبل |
| وأضع عداوًة بينك وبين المرأة، وبين نسلك ونسلها |
| سنكون أفضل مما نحن عليه بكثير |
| اسوء بكثير |
| هو اخنا وشنا مرسوم عليه حلل |
العرض المتطور