|
 |
 |
 |
|
|
|
رقم المشاركة : ( 1 )
10 - 02 - 2017, 11:50 PM
|
|||||||||||
|
|||||||||||
 اقولك سر ... انا من غيرك شبه نجمة لوحدها فى قلب ليل طويل اوى ومهما نورت مش هتقدر تفرق .. انا شبه عصفورة طايرة فى السما من غير عش تبات فى حضنه فى اخر اليوم ... انا ورقة مليانة بالهوامش فضاقت فيها السطور وهرب منها الكلام والحدوتة ماتكتبتش وفضلت الهوامش مش اكتر ... انا تفاصيلى مش هتبقى عايشة ومختلفة الا لما تبقى حاضرة فى مشاهد حياتى اليومية .. انا فى غيابك مجرد حد عادى جدا واقف على طرف دايرة من روتين مركزها " لا شئ " جنب نقط تشبهنى وتسجنى ... اقولك سر ... انا ساعات بيحكوا عنى فى الخفا عن كونى شهريار وجايز انتى صدقتى فى يوم زيهم بس مقدرش اقولك غير حقيقة واحدة ... انتى البنت اللى بتلمع فى عينيا ... انا ساعات بيحكوا عنى فى الخفا ان حياتى مليانة اهتمام وانى بفرح بالمزيكا والهدايا والكلام الحلو بس مقدرش اقولك غير حقيقة واحدة .. انا لما بشوفك روحى بتدمع بدموع فرح نازلة ترقص فى الخفا .. ترقص مع طبطبة نظرتك اللى فرقت اوى فى كوم الوجع اللى فيا .... ضمة حضن عينيكى كافية اوى لبهجتى ونظرتك هى الاهتمام الوحيد اللى بيوحشنى ... اقولك سر ... انا قلبى عجوز من غير ضحكتك ... انا روحى عاجزة من غير عيونك ... انا خايف من احلامى فيكى انها تفضل باهتة وخايفة تبقى حقيقة ... والمشكلة ان شبابيك عيونك هى فرصتى الوحيدة انى اشوف الدنيا بشكل مختلف ... والمشكلة ان شبابيك عيونك تنهيدة صفا لروحى عشان تحلم وتحس .. او جايز المشكلة الحقيقية انى مصدق كدة .. انا عقيدتى فيكى تشبه ايمانى فى وجود الله وفى سحر البحر وفى جمال الشمس وفى صوت غنا الشجر بانها عقيدة غير قابلة للتغيير ومُسلم بيها ... اقولك سر ... كل لحظة حلوة تخلص كانت بتخلص فى وقتها الا لما تضحكيلى ... كل حاجة بتنتهى مع جرى القمر للقا الفجر لبداية يوم جديد الا حضورك انتى جوايا ... كل حاجة حلوة فيكى كانت بداية لاحساس جميل مش منتهى ... بس انا خايف ان النهايات مقابلهاش برضة لغموض قصتنا ولتوهة مشاعرنا ولحيرتى فيكى وفى رغبتك .... وانا مملكش غير حبة براح جوايا عشان اكمل من غير حقايق .. اقولك سر ... انا جربت حاجات ياما عشان اضحك ... انا جربت سكك كتير عشان اهرب ... لكن معرفتش البهجة الا لما جربتك ... ومرتاحتش فى اى هروبة غير لما قلبى هرب عندك ... انا اتعودت ادخل فى تفاصيل البشر تخاطيف عشان متعودتش وساعات بحب الضلمة عن النور عشان تفاصيلى انا متظهرش ... لكن جواكى انا سافرت وعشت واتعودت ... بس فضلت متعلق بحب الضلمة عشان انا خايف فى يوم انسى وابان فى النور واقولك سر 
|
|
11 - 02 - 2017, 12:09 PM
|
رقم المشاركة : ( 2 ) | ||||
|
..::| الاشراف العام |::..
|
رد: اقولك سر
رووووووووووووووعه يا لولو
ميرسى ربنا يبارك تعب محبتك |
||||
|
|
|
11 - 02 - 2017, 12:19 PM
|
رقم المشاركة : ( 3 ) | ||||
|
† Admin Woman †
|
رد: اقولك سر
مشاركة جميلة جدا ربنا يبارك حياتك |
||||
|
|
|
11 - 02 - 2017, 07:43 PM
|
رقم المشاركة : ( 4 ) | ||||
|
..::| الإدارة العامة |::..
|
رد: اقولك سر
ميرسى كتير على مروركم الغالى
|
||||
|
|
|
12 - 02 - 2017, 02:18 PM
|
رقم المشاركة : ( 5 ) | |||
|
x Banned x
|
رد: اقولك سر
راااااااائع
|
|||
|
|
|
12 - 02 - 2017, 03:29 PM
|
رقم المشاركة : ( 6 ) | ||||
|
..::| الإدارة العامة |::..
|
رد: اقولك سر
ميرسى على مرورك الغالى سارة
|
||||
|
|
|
18 - 02 - 2017, 09:27 PM
|
رقم المشاركة : ( 8 ) | ||||
|
..::| الإدارة العامة |::..
|
رد: اقولك سر
ميرسى على مرورك الغالى مينا
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اقولك سر |
| اقولك سر ؟! .. |
| اقولك سر |
| اقولك تعبان |
| اقولك . نام |
العرض المتطور