عارفه يعني ايه تكوني ام لطفل حساس
ذكي
مختلف
بيحبط ويقلق من ابسط الامور
بيياس ويفقد الثقه في نفسه مع ابسط المواقف
بيتعقد
ويحس بالظلم والاضطهاد مع ابسط المشاكل
ويرجع تاني يوم يضحك من قلبه في منتهي البراءه
عارفه قد ايه بتحسي بالاحباط لما يغير رائيه فجاه او لما يكون وسط مجموعه من الاطفال مش عارف يندمج مع انك كنتي فاكره انه خلاص بقي عارف يندمج
عارفه بيبقي متوتر ازاي ايام الامتحانات والبطولات او اي موقف فيه ضغوط
بس قبل ما أكلمكم ازاي ممكن نحتوي كل ده لازم الاول نشتغل علي نفسنا عشان نقدر نطلع احسن ما فينا وأحسن ما فيهم
الحساسيه الزياده نعمه لو عرفنا ازاي نستغلها ونحبها ونتعامل مع تحدياتها ونحتويها
لازم نطلع من الام الحساسه احسن ما فيها ونخليها تقدر تبقي قدوه لابنها
متبقاش بتطلب منه الرضا وهي بتحبط من ابسط الامور
متبقاش بتطلب منه التفهم والاستماع وهي بتنزل عليه بسيل من المحاضرات والإقناع كل ما يختلف عنها
متبقاش بتقوله حاول وهتقدر وهي بتحبط وتسوف وتفكر الف مره قبل ما تاخد اي قرار ده لو أخدته ♥️
لازم تعيشوا الحياه اللي تستحقوها وتستمتعوا بنعمه الذكاء والحياء والتميز والابداع والعطاء اللي ربنا حطها فيكم وفي ناس كتير اوي محتاجاها
عشان تبطلوا تأجلوا سعادتكم لما توصلوا لمستوي معين ومهما وصلتوا تفضلوا تسعوا للي بعده وعمرمكم ما بتقولوا شكرًا لنفسكم
الكنز اللي جواكم موجود وانتوا متاكدين بس محتاجين نسرع من انطلاقه عشان تبقوا قدوه للكنوز اللي عندكم
التفوق جميل بس المتفوقين يستحقون السعاده
