خد بالك من كلامك مع ابنك

[Rena Jesus]

هو قال: برضو ما طفيتش التكيف و انت خارج؟! هو انا لازم افكرك بكل حاجة كده؟!
بس هو قصد: التكيف .... (اه بس كده)
--------------------------------------------------------------------------
لكن أبنك فهم: ما انا بني ادم ممكن انسى عادي على فكرة!
ما يقفله هو طالما هو شايفني مش مسؤول للدرجة دي...
ولا اقولك!!! هسيبه مفتوح بالعند فيه المرات اللي جايه!

[Rena Jesus]

هي قالت: ايه ده! انتي لسة بتقطعي في الخيار؟ انا كان زماني خلصت السلطة كلها!��
بس هي قصدت: يا بنتي انا مبسوطة انك بتساعديني في المطبخ و نفسي تبقي اسرع.
---------------------------------------------------------------------------------------
لكن البنت فهمت: مساعدتي لماما زي قلتها. انا بطيئة اوي و مش نافعة. مش هدخل المطبخ تاني

[Rena Jesus]

هو قال: بعد كل اللي صرفته عليك طول السنة جايبلي مقبول يا فاشل!؟
بس هو قصد: يابني انا مستعد اديلك عينيا بس تقوللي محتاج ايه عشان تجيب تقدير اعلي.
-----------------------------------------------------------------------------
لكن الولد فهم: مانا عارف اني فاشل ايه الجديد يعني :/ يا ريته كان صرف الفلوس في حاجة مفيدة و جابلي عربية احسن!

[Rena Jesus]

هو قال: انا اما كنت في سنك كنت بطلع الأول على الفصل!
بس هو قصد: انت اهم حاجة في حياتي وعايزك تحقق كل احلامك و تعمل اللي انا مقدرتش اعمله
-------------------------------------------------------------------------------------
لكن الولد فهم: انا مش ناجح زي بابا و عمري ما هاقدر اكون زيه و هبقى السبب في خيبة أمله

[walaa farouk]

موضوع جميل بجد يا رينا

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم الغالى