....ليه؟! ..... مكملين؟!

[walaa farouk]

....ليه؟! ..... مكملين
ده سؤال بقيت بساله لنفسي كثير.... بعد اما بنخلص كلية ولاد وبنات بنبدا فقرة الشغل واننا نجيب فلوس ونحوش فلوس علشان نتجاوز ويبقي عندنا بيت واسرة ونبدا في التجهيزات اننا هنبني بيت.... ده طبعا غير الفلوس اللي اكيد اهالينا سيبنهم علي جنب علشان في يوم بنتهم او ابنهم هيفتح بيت كل ده جميل ومعلهوش اي اعتراض.... اعتراضي او سؤالي اللي هو ليه؟؟ جه من ناحية اني شايفه اننا بنجهز شقة البنت تنزل تجيب حاجات ملهاش لازمة بفلوس كثير علشان عاداتنا وتقاليدنا بتقول لازم الشقة يكون فيها نيش طقم صيني مفتخر كده وطقم كاسات كريستال برده علشان النيش ومؤخرا فيه طقم جديد طلع اسمه شاي وجاتوه وبرده للنيش ده كله كوم وطقم الخشاف وشايله الكحك كوم هو يعني خشاف اه وشنطة المعالق اللي احتمال تطلع منها للضيوف بس غالبا هتقوم بتفتشهم وهما نازلين لانها بمياه الدهب.... النيش بيجي علشان الناس تتفرج عليه وتقعد ام العروسة تجيب في اطقم حلل وصواني علي اساس ان بنتها الشيف شربيني وبنتها اصلا بتشتغل ومش فاضيه وغالبا هيقضوا اغلب حياتهم تك واي....... او هي لسه هنتعلم فلازم تتعلم في يجي 20حله استاليس وتيفال وسيراميك....... ليه؟؟؟ اه كله كوم ومفرش السرير كوم بجد ده حاجة عبارة عن مفرش ستان كله ورد ما يتنميش عليه ولا بيستخطوا بيه ابدا ده بيتفرش علي السرير علشان الضيوف اما يجوا ما يلاقوش السرير سقعان...... ليه؟؟؟
ندخل علي الولاد يفضل طول الوقت يشتغل ويجمع فلوس علشان يكون قد كلمه راجل قدام اهل العروسه اللي هيتقدم لها معاه يكون يكون معاه الشقة والشبكة طبعا مع غلو الاسعار لاما يفضل يشتغل ويجيب التمليك علي ال40 او ال50 من عمره لاما يجيبها ايجار وبرده ساعتها بيطلب منه حاجات غريبة قوي لازم النجف الكريستال وغرفة الاطفال والنيش طبعا علشان الناس ده غير يوم الفرح اما يلاقي نفسه علشان يبقي فرح يصرف حوالي 20 الف كوافير فستان وبدلة واستديو ومصوراتي وكنيسة ده كده فرح من غير قاعة...... ليه؟؟؟؟
طب شوية اسئلة للتامل
+ ليه بنقعد سنيين نجهز الشقة والمطبخ والعفش والنيش ومفكرناش نجهز نفسنا ليه؟ ايوه يعني فهمت شخصيتك بعيوبها قبل مميزاتها طب فهمت شريك حياتك؟؟؟
+ جهزتوا الشقة طب عرفتوا المرحلة اللي انتوا داخلين عليها مرحلة الشركة بعد اما كل واحد فيكم عايش في جزيرة منفصلة يالهوووووووي هتعيشوا علي نفس الجزيرة؟
+ طب جهزتوا الشقة طب كنيستكم جهزتوها يعني ذي ما بتكلوا مع بعض لازم تصلوا مع بعض وترحوا الكنيسة مع بعض وتقروا كتاب مقدس مع بعض؟؟؟؟
+ طب عارفين مهما كنتوا بتحبوا بعض انكم مازلتوا مختلفين عن بعض يعني الراجل هو العقل وهو اللي هيمشي البيت والمراه هي القلب فهي روح الحنان في البيت علشان تكونوا مكملين ومينفعيش انكم تتبادلوا الادوار؟
+ طب مدركين اختلاف انك تعيش حالة حب او انك تعيش الحب علي فكره لو بتعيش الحب هتضحي بالاشياء علشان الشخص ؟؟
الاية
"ان اعطي الانسان كل ثروة بيته بدل المحبة تحتقر احتقار ""نش 7:8"

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي على مرورك الغالى مارى

[Rena Jesus]

ميرسى ربنا يبارك تعب محبتك