ليه بنهزر مع بعض بالشتيمة ؟؟

[Rena Jesus]

ليه بنهزر مع بعض بالشتيمة ؟؟

كشباب مفيش أجمل من الشتيمة عشان نهزر مع بعض , تقلق اوي لما صاحبك مايشتمكش ؟!
يبقي أكيد متضايق او في حاجة ,
فأنت علطول تهزر معاه و تسأله عنه و تشتمته

في مقالة بعنوان If You Want to Bond With Someone, Swear at Them
بيقول الكاتب Drake Baer
إن الشتيمة أسهل طريق لبنا علاقة قوية بين الاصدقاء أو حتي بين الناس عموما ,
فبيذكر قصة لمدرس يعرفه كان بيشتم بين الطلاب عشان يقرب منهم و يكون زي صاحبهم ,
بس ليه ؟! ..

الفكرة إن الشتيمة في حد ذاتها سلوك المفروض بيبقي غير مقبول اجتماعيا ,
فانت بتقول لفظ مش منطقي انه يتقال قدام كل الناس لكن اللي بيحصل انك بتختار مجموعة معينه من الاشخاص و تقوله قدامهم او معاهم ,
فانت ميزت الصديق ده حتي و لو بتشتمه هو !
فهو بيشاركك في حدث خاص جدا و هو الشتيمة !

حاجة تانية , الشتيمة فيها نوع من انواع الكوميديا ,
فانت في غالب شتيمتك لصاحبك بتكون ضمن تريقة ما او لحظة كوميديه بينكوا , و ده بيزود الألفة و المحبة في علاقتكوا

في النهاية كأصحاب و خصوصا كولاد
( و يمكن الولاد أكتر عشان في نسبة كبيرة من البنات بتحب تعيش دور الكائنات الرقيقة اللي مش بتعرف الحاجات ده )
الشتيمة بتبقي أسلوب اساسي في الحياة ,
لدرجة إن كل ما كان مستوي الشتيمة اقوي كل ما كانت علاقة ثابته و عميقة بين الطرفين
. فمافيش حد بيصاحب اوي غير لما يكون بيشتم أوي

[walaa farouk]

ميرسي على مشاركتك الجميلة رينا

[Mary Naeem]

ربنا يبارك حياتك

[Rena Jesus]

ميرسى لمروركم الغالى