|
 |
 |
 |
|
|
|
رقم المشاركة : ( 1 )
26 - 11 - 2016, 11:09 AM
|
|||||||||||
|
|||||||||||
|
بحترم جداً أما بلاقي واحدة حماتها عملت حاجة ضايقتها وهي احتوت الموقف. بحسها كبيرة وبنت ناس كده! على مدار سنين الأفلام صدرت لنا صورة معينة عن الحما الماري منيب القرشانة الصعبة المتحكمة... والصورة دي ترسخت في ذهن البنات لدرجة إنها بقيت تدخل الجوازة وهي شايلة المطوى في جيبها ومستنية الكلمة تتقال عشان الرد يطلع صاروخ أو الشكوى والمسكنة من حماتي القوية المفترية اللي بتكرهني! أكيد في حموات صعبة.. بس برضه في بنات بتأفور! وفي بنات معندهاش اي ذكاء إجتماعي يخليها تحتوي الموقف وتفهم إن حماتها دي ست كبيرة! ست كبيرة مش معناها تتحكم فيكي او تهينك أكيد.. بس معناها إنك تفوتي أكتر ما تركزي... إنك تعملي حسابك إنها مش بالضرورة تعاملك زي ضيوف الصالون بالشوكة والسكينة... إنك أما تردي عليها بغباوة مش هتتحملك زي مامتك.. إنها ممكن تقول كلمة دبش من غير ما تكون بتكرهك! ممكن تبقى بتكلمك زي ما بتكلم ابنها... او حتى تبقى غيرانة على ابنها وخلاص! وماتقوليليش فين المنطق في غيرتها لأنها "ست" كبرت ولا صغرت وكتيرررر من تصرفات الستات بتبقى خالية من أي منطق! لو حماتك غيرانة طمنيها بدل ما تدخلي معاها في تحدي! في الأخر هي مش هتاخد من جوزك غير كام ساعة وهيرجع يبات في حضنك! حسسيها إنها أولوية وإن مكانتها عنده وتأثيرها في حياته عمرهم ما هيتغيروا! طمنيها بالحركات البسيطة اللي تريحها لأنها "أم" و "ست" وزي ما انتي اترسخ في دماغك الحما الشريرة هي كمان ممكن يكون عندها فكرة مرات الإبن السوسة! ولو حماتك يا ستي بتأذيكي جدا تجنبيها وخلاص! قللي الإحتكاك اللي ممكن يجيب مشاكل. وخلي خلقك واسع عشان مش من مصلحتك ولا مصلحة جوزك وولادك إن العلاقة بينكم تبوظ أو إن جوزك يتحط في إختيار بينك وبين أمه! حاولي تبقي عاقلة وودودة مع حماتك وأهل جوزك عموما. وحاولي لو قدرتي تصاحبيها وتحسسيها إنك "أمان" وتاخدي رأيها ولو في شوية حاجات صغيرة عشان بس ماتحسش إنها معزولة عن حياة ابنها ومبقاش لها دور. أحفظي سيرتها وبلاش تتكلمي بطريقة وحشة عنها مع جوزك وأمك عشان مايشلوش منها أو منك! اعملي كل اللي انتي عايزاه بس بحكمة وذكاء على أد ما تقدري.. وانتي الكسبانة صدقينى تاني.. أنا عارفه إن في حموات مشششش سهلة.. وإن ممكن كلامي يبدو أفلاطوني شوية أو من زمن قديم... بس حاولي.. وصدقينى في في جيلنا بنات برنسات جدا وبيعرفوا يعملوا كده 
|
|
26 - 11 - 2016, 12:13 PM
|
رقم المشاركة : ( 2 ) | ||||
|
..::| الإدارة العامة |::..
|
رد: الحموات القرشنات ..... البنات البرنسيسات
ميرسي على مشاركتك الجميلة
|
||||
|
|
|
26 - 11 - 2016, 02:25 PM
|
رقم المشاركة : ( 3 ) | ||||
|
† Admin Woman †
|
رد: الحموات القرشنات ..... البنات البرنسيسات
مشاركة جميلة جدا ربنا يبارك حياتك |
||||
|
|
|
27 - 11 - 2016, 11:37 AM
|
رقم المشاركة : ( 4 ) | ||||
|
..::| الاشراف العام |::..
|
رد: الحموات القرشنات ..... البنات البرنسيسات
ميرسى لمروركم الغالى
 |
||||
|
|
|
25 - 04 - 2017, 05:57 PM
|
رقم المشاركة : ( 6 ) | ||||
|
..::| الاشراف العام |::..
|
رد: الحموات القرشنات ..... البنات البرنسيسات
ميرسى لمرورك الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| روائع الخلوات مع الرب يسوع |
| روائع الخلوات مع إلهنا |
| اكتشفي معنا 6 انواع من الحموات وما يميزهن! |
| إلى الحموات والكنّات / ماهر صموئيل |
| أنواع الحموات وكيفية التعامل مع كل نوع |
العرض المتطور