|
 |
 |
 |
|
|
|
رقم المشاركة : ( 1 )
25 - 11 - 2016, 08:53 PM
|
|||||||||||
|
|||||||||||
 ملحوظة ديه مش قصة واحدة ست ديه كوكتيل ألم من مجموعة حكايات واقعية للأسف (قالت لى:ريحيتهم بتبقي فى هدومه) جملتها شدت كل حواسي وفنجلت عيونى وسقعتنى....أول مرة أقابل جملة تبرد جسمى كأنها رمتنى بجردل تلج قالتلى أه أنا وصلت معاه لدرجة إنى بقدر أحدد نوع الست ومستواها اﻹجتماعى من غير ماأقابلها....من ريحة برفانها ومن درجة إهتمامه بنفسه فى الفترة اللى بيعرفها فيها... ..ومن الهدايا اللى بيرجع بيها البيت على إنها مشتروات وأى سبب تانى مابقتش أركز وهو مابقاش يضطر يحبكها. يعنى هو عارف إنك عارفة؟! عارف ومش عارف زى عمرو دياب كده.........😊😊 بتهرجى ......!!!!! يعنى ماتصارحناش بس ضمنيا حاسس انى عارفة زى مانا عارفة هو بيعمل إيه من غير مايقول والولاد...... لا ولاد ايه الولاد عايشين أحلى حياة فى بيت مستقر علشان ...... علشان إيه........؟؟؟ ولادنا بيحسوا بينا أكتر مابنحس بيهم على فكرة وبيعرفوا يكتموا ويتظاهروا أكتر مننا. طيب عاوزة منى إيه ...أخرب البيت وأطلق وأعانى فى المجتمع ده ألف من يطمع فيا...وألف من تخاف على جوزها منى إنتى مقتدرة ومستقلة ماديا وست محترمة بشهادة الكل محدش... محدش إيه ......أسكتى...... مايحسش بالنار إلا إللى كابشها. طيب هاسألك سؤال وإنتى حرة تجاوبى أو ﻷ إنتم.....إنتم......يعنى إنتى وهو....... قصدك تسألى على علاقتنا الخاصة كزوج وزوجة؟ أيوه عادية جدا.... !!!!!!انهى جدا يعنى........بتقدرى إزاى وهى دى فيها ولاد شايفين ولا قدرة ع اﻹنكار يابنتى كل واحدة عرفها إديتنى قلم.....وقلم ورا قلم ورا قلم أنا جسمى مات ودمى نشف . طيب وهو! بيعاملنى كويس جدا وخايف يفض ستارة الدانتيلا اللى بينا دى اللى كاشفة كل اللى بيجرح لكن اسمها ستارة وموجودة وحريص جدا على علاقته اﻹجتماعية بأهلى وأصحابي وجيراننا وبيحترمنى جدا قدامهم......وووو وإيه ؟.....عاوزة تقولى إيه؟؟؟؟ أنا بس خايفه فى مرة وأنا بعمل فحوصاتى أكتشف حاجة خطيرة ومش عارفة هاعمل إيه ساعتها فى ولادى اللى أنا مستحملة كل ده علشانهم....وهو..... إنتى لسه هاتقوليلي هو........ بصي أنا مش مستنية منك رد ...أنا كنت حاسة بحمل تقيل محتاجة حد يشيله معايا ....ولا محتاجة حد يلاقيلي حل ولا محتاجة نصيحة ..كنت بس محتاجة أفضفض. وقامت لبست نضارتها الفاخرة ومشيت بس وهى بتبوسنى برودة جلدها خوفتنى عليها أكتر من كلامها. إصطادت دماغى وحبستها فى قفص إزاز ومشيت. 
|
|
26 - 11 - 2016, 09:26 AM
|
رقم المشاركة : ( 2 ) | ||||
|
..::| الاشراف العام |::..
|
رد: كوكتيل ألم
مشاركه جميله
ميرسى ربنا يفرح قلبك ويبارك تعب محبتك |
||||
|
|
|
26 - 11 - 2016, 12:18 PM
|
رقم المشاركة : ( 3 ) | ||||
|
..::| الإدارة العامة |::..
|
رد: كوكتيل ألم
ميرسي على مرورك الغالى رينا
|
||||
|
|
|
26 - 11 - 2016, 02:05 PM
|
رقم المشاركة : ( 4 ) | ||||
|
† Admin Woman †
|
رد: كوكتيل ألم
موضوع مميز شكرا يا قمر |
||||
|
|
|
26 - 11 - 2016, 09:39 PM
|
رقم المشاركة : ( 5 ) | ||||
|
..::| الإدارة العامة |::..
|
رد: كوكتيل ألم
ميرسي على مرورك الغالى مارى
وميرسى لتمييز الموضوع |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| كوكتيل |
| كوكتيل فواكة |
| كوكتيل للعدرا |
| كوكتيل نكت من الاخر |
| كوكتيل نكت |
العرض المتطور