ياريت الرجاله ماتزعلش منى

[walaa farouk]

🌷#قواعدالتعامل_مع_الزوج_للعروسه_الجديده🌷

1- الرجالة ما بتتكلمش قبل الأكل غير كلمة واحده جعان بلاش كلام كتير قبل الاكل
الرجالة ....... ما بتتكلمش وسط الأكل معروفه دى
الرجالة ....... ما بتتكلمش ........ بعد الأكل لحد ما يفوق م الغيبوبه

2_ الرجاله عندها امر مسلم بيه أن امه مش بتكرهك بس هى بتحبه اوى وانتى بتغيرى من كده

3_الرجاله عندها مبدأ لو عندك مشكله ومحتاجه مساعده قوليلى انما تحكيلى علشان اتعاطف معاكى هسكت ...احكى لاختك او صاحبتك

4- الرجل ما بيتسئلش اعمل اكل ايه ولا تستنى يقولك الاكل حلو معروفه

5- الرجالة ما بتحبش الأسئلة من نوع هتعمل ايه فى الاجازه هتتصرف ازاى فى فلوس كذا .عامل ايه فى الشغل هتلاقى الاجابه تنحصر بين الحمد لله وان شاء الله

6- الرجل بطبعه فاقد الإحساس بالزمن و التخطيط طويل الأجل يعنى بلاش تسأليه يوم الاحد هنروح عند ماما يوم الخميس ولا لأ لانه يوم الاثنين هيكون نسى انتى قلتى ايه

7- الرجالة لازم حد يصحيهم م النوم بلاش تعتمدى على المنبه لانه مش بيبقا نايم ده بيبقا فى العالم الاخر

8- زي ما الست بتبقا رومانسية هو عايز يقولك اطلعى من دماغى ماليش فيها

9- الرجالة هدومهم عندهم غاليه قوى بيخاف عليها اكتر ما بيخاف على محفظته اعتبريهم زى ولادك وخصوصا الشربات

10- الشاي بتاعك لازم يكون زى الشاى اللى بيشربه ع القهوة

11- الرجالة كائن ألى قلبه فقط يضخ الدم فمش هيحس انك تعبانه او مخنوقه الا لو اتصلوا بيه وانتى فى المستشفى لا قدر الله

12- الراجل مراكز الاحساس عنده ضعيفه تقريبا بسبب التدخين انسى انه ياخد باله انك حاطه برفيوم او لون شعرك متغير

13- احذرى الرجل وهو جعان مافيهاش هزار دى

14- الرجاله كلها بتبص بره فبلاش تعيشى دور جنات وحبيبى على نياته كل البنات اخواته

15- احذرى من الرجل اول ما يصحى الصبح بيبقت عنده ميول عدوانيه مع زهايمر خفيف وشكله بيتغير شويه بس متخافيش بيرجع لشكله الطبيعى بعد ساعه تقريبا

16- الرجل يهمه قوى يكون فى ثلاجتك ميه وعصير وفاكهه وملوش فى الكابرى والشيبس والافلام دى واتاكدى انه بياكل البانيه والبيكاتا مجامله ليك ..اكله المفضل الطبييييييييخ

17- الرجالة ما بتحبش الرغى فى التليفون هما عمليين ممكن يقعد على الكافيه خمس ساعات مع اصحابه ويتكلم فى الموبايل ٢٠ ثانيه

18- الرجل لما يجيله دور برد بلاش تاخدى الموضوع ببساطه لان عنده هو بيعتبر مرض خطير ولازم تقفى جنبه لحد ما يجتاز المرحله الصعبه دى

19- تعاملى مع الرجل على أن فى فيرس فى البيت بيفقده النطق واحيانا الفيرس بيسبب له هبوط مفاجئ يؤدى الى النوم لساعات طويله

20- الرجل لما يصلح حاجه فى البيت لازم تحسسيه قد ايه تعب وبذل مجهود خرافي علشان يغير اللمبه او يركب جلدة الحنفيه ماتعديش الموضوع بسهوله

21- الرجل بينام فى اى حته فلما تلاقيه فاتح بقه وبيشخر وهو قاعد قدام التليفزيون ماتخافيش عادى وبلاش تصحيه هى ربع ساعه هيصحى لوحده يقولك فين الشاى او مافيش حاجه مسكره عندك

22- ثلاث حاجات اوعى تقولى كلمه وحشه عليهم ابدا اهله وفريق الكوره اللى بيشجعه وصافيناز

23- يوم الجمعه عند الرجل هو اليوم العالمى للاكل عايزه اليوم يعدى بسلام يبقا تعملى فطار متين ويتبعه غدا طبييييييخ ويستحسن المحشى طبق رئيسى

24- لو انتى عروسه جديده ماتقوليش انا لازم اغير طبعه والله ما هتعرفى احلف لك تانى مش هتعرفى حاولى تتعايشى معاه زى ما هو كده

25_ زيادة تأكيد الاكل والنوم خطوط حمرا عند الرجاله ابعدى عنهم علشان تعيشى فى سلام
منقوووووووووووووووووووووووووووله اناماليش دعوه

[Mary Naeem]

مشاركة جميلة جدا

ربنا يبارك حياتك

[Rena Jesus]

هههههههههههه صح جدا بيحصل
ميرسى ربنا يفرح قلبك
ويبارك تعب محبتك

[walaa farouk]

مارى
رينا
ميرسي كتير على مروركم الغالى