بتاع البنات

[Rena Jesus]

بتاع البنات
هو امور اوي بس بتاع بنات وانا متربيه وماليش ف الكلام ده ، حاول معايا ،رفضت ، اتقدملي ، ووعدني انه هايتغير علشاني وانه اخيرا لقي بنت محترمه تغيره ، صدقته ، حبيته اوي ، قبلت كل شروطه ، مسحت كل اصدقائي ، لخصت وجودي في الاهتمام بيه ، بعد سنه خطوبه بيقولي انه اختار غلط ومش قادر يكمل !، وفي النفس الوقت مش عايز يديني قرار نهائي بالانفصال ، انا بجد باموت كل لحظه ،ومتوقعه انه هايبعد، مش عارفه ساعتها هاعيش ازاي ولا حتي هاقول لاهلي خلع ليه ؟

الرد
عادي جدا ، دي صفات الولد بتاع البنات ، جذاب ويشدك باي طريقه لانه محترف ،
لما يحاول مع بنت اموره ومحترمه زيك ويفشل ،
يقرر انه يصاحبها شرعي ويخلع قبل الجواز ،
او بالكتير يتجوزها ويركنها علشان تربي العيال ويعيش هو حياته ،
الحل دلوقتي انك تديلو الجزمه المتينه وتبتدي انتي بالقرار ،
خد دبلتك ياعيل ،كنت فاكراك راجل ، بلوك من كل حاجه وصارحي اهلك بانك اختارتي غلط ودي حاجه ماتعبكيش لانك محترمه ومالكيش خبره ، ساعتها هايتجنن ويسترجع صورتك الاولانيه ايام ماكنتي رافضاه ،وهاترجعله نفس المشاعر القديمه تاني ، هايعتذر ويعلن ندمه ، ساعتها انتي اللي هاترفضي لانك مستحيل تلخصي حياتك في شخص مدمن علاقات وتبقي في حياته مجرد نزوه صعبه وهايسيبها لما يزهق او بالكتير هاييتجوزها ويركنها كنبه ويعيش حياته ،
ولا ايه رأيكم ؟؟؟؟؟؟؟؟؟

[استير يوستينا]

فعلا معاكى حق لانه فعلا بتاع بنات فتكونى بالنسبه له مجرد بنت ووصل ليها خلاص ممكن يكون تعب شويه بس وصل ولما هيرجع بردو مش هيمشى صح بمعنى اصح اها كنبه فى البيت وتربيه العيال
وارجو انك مش تزعلى منى لو كنت قولت حاجه تضايق

[Mary Naeem]

هو لقاها محترمة دخل من الطريق الصح

بعد كدا الارتباط مش هدفه ففكك

سيبك منه انت اللي ارفضيه

هتلاقي يجري وراكي

[walaa farouk]

فعلا الكلام ده كلام مظبوط
ده عيل .مش راجل
وعلاقة غلط من الاول مع واحد كل ما يشوف
واحدة يجرى وراها سيبيها قبل ما يفكر هو يسيبك

[Rena Jesus]

ميرسى لمروركم الغالى