أنا النفسية
انا اللي بنام ومش جايلي نوم
بصحي من نومي وانا لسي نايم
فلوسي علي قدي بس مش مكفياني
ابويا وامي احلي 2 في حياتي وااقل 2 بقعد معاهم
بعشق بلدي بس نفسي اهج منها
بعشق كل اخر حاجه من اي حاجه بس بكره الوداع
انا اللي برمي الزباله في الشارع وبقول عليها بلد زباله
وانا اللي بعمل كل حاجه غلط في حياتي
بس بعدل الشبشب لو كان مقلوب علشان حرام
انا اللي بحمد ربنا كتير بعد كل عطسه تقريبا
انا اللي عايز كل حاجه وعارف اني مش هاخد معايا اي حاجه
انا اللي بعمل كل حاجه معترض عليها
انا اللي معترض علي كل حاجه
انا اللي مبيهمنيش كلام الناس
بس مبسمعش غيره
بحب ربنا بس مبكلمهوش
انا التناقضات اللي مبتخلصش
انا اتنين صحابي بيتخانقوا جوايا وانا اللي بحوش مابينهم
