حياتنا على الفيسبوك(fb)

[Rena Jesus]

-هي لولو اتجوزت؟
-آه يا بنتي سمعت كلام كده ..
-ياااا شيخه .. امال لا كتبت و لا عملت .. مش مفروض تغير الstatus ل married ؟
-صح .. تلاقيها خايفه من الحسد .. يا اما مش مبسوطه .. كده يعني .. بس غريبه فعلا ..
--------- ---------- ------- -----------

-ايه داااااا انتي اشتغلتي ؟ فين؟
-ياه يا بنتي ده انا في شغلي ده من 3 سنين ..
-لاااا و الله! امال لا check ins و لا بتكتبي حاجه على الشغل و good morning gifts و لا اصلا يبان عليكي ..
-هو لازم؟؟
----------- ---------- --------------

- ايه يا بنتييييي كده تحملي و تخلفي و متقوليش ؟
-لا انا كنت قايله !
-فين؟ مشوفتلكيش حاجه على ال fb تدل او تبين انك كنتي حامل او كده ..
-انا كنت قايله في ال actual life و للناس اللي بتعاما معاها ..بجد .. في الحياه .. بيسألوا عليا و اسأل عليهم .. دول بس اللي من حقهم يعرفوا اخباري ..
----------- -----------------------

كل واحد حر ..
عاوز يخلي حياته مكشوفه للعالم .. هو حر ..
عاوز يخلي حاجات و حاجات .. هو حر ..
مش عاوز يقول حاجه تماما .. هو حر جدا .. مش شرط خايف او بيداري او سوسه .. هو بس مش عاوز يقول لل 900 االي عنده ..

ال fb لو اتكتب عليه حاجه .. كأنك نزلت الشارع ب mic و بتقول
*ياااااا جمااااااعه انااااا نازل بكره اخلص ورق*
*ياااااااا بششششششر انا اشتغلت*
*يا عالم انا feeling اي حاجه *

انت شايف ان دي حاجه حلوه ..
انا و غيري شايفين ان دي مش دايما حاجه لطيفه ..
و ..
بس ..

ما_ننزل_أعلان_فى_الجرايد_احسن

[walaa farouk]

ههههههههههه صح هى بقت كده

[Mary Naeem]

ربنا يبارك حياتك

[Rena Jesus]

ميرسى لمروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[Rena Jesus]

ميرسى لمرورك الغالى