2000 تحيه

[Rena Jesus]

تحية ..
لكل زوج ميعرفش ينام قبل ما يقعد مع أهل بيته و يستأنس بيهم و يعرف أخبارهم .

تحية ..
لكل زوج مبيعرفش ينام و زوجته زعلانة و دمعتها على خدها .

تحية ..
لكل زوج بيفهم زوجتة من قبل ما تتكلم .

تحية ..
لكل زوج عارف ان بوكيه الورد أهم من كيلو كباب.

تحية ..
لكل زوج بيهتم يفسح زوجته و يحسسها انه مستنى الفسحة دى زيها بالظبط.

تحية ..
لكل زوج بيطبب على زوجته و يقبل جبينها و يذكرها بحنان بيت والدها اللى غابت عنه .

تحية ..
لكل زوج عارف و مدرك انه اتجوز انثى ..
ست يعنى مش راجل زيه ..
فطبيعى تكون مختلفة عنه ..
طبيعى اللى يفرحها مختلف و اللى يوجعها كمان مختلف.

تحية ..
لكل زوج بيعرف يقول آسف.

تحية ..
لكل زوج قادر يهتم بالتفاصيل الصغيرة و يشوفها.

تحية ..
لكل زوج بيحسس زوجته بأهميتها مهما طالت سنين زواجهم.

تحية ..
لكل زوج متعاون بيساعد .. و يسامح على التقصير.

تحية ..
لكل زوج بيهتم بزيارة أهل زوجته من غير ما يحسسها ان ده تفضل منه و كرم متحلمش بيه.

تحيه ..
لكل زوج عرف يخلى أولاده يحبوه كأب مش خزنة و لا بنك يصرف و خلاص .

تحية ..
لكل زوج بيقدر يذاكر لولاده و لو مرة فى الإسبوع.

تحية ..
لكل زوج بيرد على زوجته لما تكلمه و هو بيتفرج على التليفزيون
و تحية أكبر للى بيطفى التليفزيون عشان يسمعها.

تحية ..
لكل زوج بيدى زوجته مصروف مهما كان قليل.

الزوجة كائن حى يعيش و يتعايش ..
بس لازم تعرف هى بتعيش على ايه قبل ما تتطلب منها تعيش و تتعايش !

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمرورك الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[مورا مرمر]

حلوة اوووى
ربنا يبارك اعمالك

[Rena Jesus]

ميرسى لمروركم الغالى

[walaa farouk]

ميرسي على مشاركتك الجميلة رينا

[Rena Jesus]

ميرسى لمرورك الغالى