|
 |
 |
 |
|
|||||||
 |
|
|
أدوات الموضوع | انواع عرض الموضوع |
|
|
|
رقم المشاركة : ( 1 )
14 - 09 - 2016, 07:08 AM
|
|||||||||||
|
|||||||||||
|
حكايتى مع منتدى الفرح المسيحى أخوتى الأحباء كل سنة وانتوا طيبين فى العيد السابع للمنتدى عندى كلام كتير عايز اقوله عايز احكيلكم حكايتى وقصتى مع منتدانا العظيم: مش عايز اقول أو عايزين نقول احنا قدمنا ايه للمنتدى أو قدمنا موضوعات ايه أو صور ايه لأ لأ عايزين نقول أو عايز اقول المنتدى قدملنا ايه أو قدملى ايه ومهما قدمت موضوعات أو صور مش هاتكون إلاّ حاجة بسيطة أمام ما قدمه المنتدى ليّا. هذا الصرح العظيم أنقذ ناس كتير من الضياع والفراغ.فى قصص كتير لناس كتير لسه متقلتش ومحدش حكاها وهتتعرف ف يوم ما. ما فعله منتدى الفرح المسيحى لناس كتير سواء أعضاء أو زوار. بالنسبالى أنا منتدى الفرح المسيحى رجّعنى تانى للخدمة وأيامها الجميلة. أنا خدمت ف كنائس كتير فى مدارس الأحد والدورات الرياضية والألعاب الترفيهية والحفلات والمسابقات لكن للأسف فى لحظة ما غلطت غلطة العمر وتركت الخدمة مع خدام كتير بحجة الانشغال بالحياة الجديدة رغم ان أب اعترافى ترجانى وقاللى هاتندم لكنى كنت عنيد ومسمعتش كلامه ومع مرور السنين حسيت بغلطتى الكبيرة. لكن ربنا مسبنيش وف يوم من الأيام كنت على النت ولقيت فرحتى الكبيرة وهى(الفرح المسيحى) لأنى كنت زعلان خالص لأنى طول عمرى فى الخدمة ومقدرش ابعد عن الخدمة وأنا باخدم من أيام ما كنت ف الجامعة ولما تركت الخدمة بسبب عندى وكبريائى حسيت ان فى حاجة ناقصانى علشان متربى فى الخدمة طول عمرى. ولقيت فرحتى منتدى الفرح المسيحى...استفدت كتير من المنتدى ومهما قدمت موضوعات مش هاتكون إلاّ نسبة ضئيلة من اللى قدمهولى المنتدى الجميل...أنا لما باغيب عن المنتدى بأحس انى مش فى حالتى وفى حاجة ناقصانى وبأحس ان كل ساعة غايب عن المنتدى أو أى أيام غايب فيها عن المنتدى بأحس انها أيام ضايعة من عمرى ودى حقيقة بجد لازم تتقال. المنتدى رجّعنى لأيامى الجميلة أيام الخدمة فى الكنيسة والنادى واتعرفت على أحسن وأعظم خدام وخادمات...اتعرفت على خدام وخادمات قلبهم أبيض...اتعرفت على ناس باحبهم وبيحبونى..منتدى الفرح المسيحى هو عمرى وأيامى اللى ماقدرش ابعد عنه أبداً. وكل سنة وانتوا طيبين يا حبايبى 
|
|
14 - 09 - 2016, 08:48 AM
|
رقم المشاركة : ( 2 ) | ||||
|
..::| العضوية الذهبية |::..
|
رد: دى حكاية عمرى وأيامى(حكايتى مع منتدى الفرح المسيحى)فى العيد السابع للمنتدى العظيم
كل سنة وحضرتك طيب أستاذ ناصر ويارب دايماً منور الفرح المسيحي بعطاءك وخدمتك الجميلة المميزة كلام حضرتك صحيح منتدي الفرح المسيحي من أجمل وأحسن المنتديات المسيحية الفرح المسيحي مملوء محبة وعطاء وتعاون ومُشاركة وأنا شخصياً سعيدة جداً بوجودي بينكم وفعلاً بأمانة بستفيد جداً من كل الموضوعات وبتعلم كتير من خدمتكم المُباركة وحضرتك يا أستاذ ناصر ... أُستاذي وأخي ومُعلمي ربنا يبارك حياتك ويُديم تواجدك ويُثمر خدمتك ويزيد عطاءك ومحبتك لنا جميعاً  |
||||
|
|
|
14 - 09 - 2016, 12:47 PM
|
رقم المشاركة : ( 5 ) | ||||
|
..::| الإدارة العامة |::..
|
رد: دى حكاية عمرى وأيامى (حكايتى مع منتدى الفرح المسيحى) فى العيد السابع للمنتدى العظيم
كل سنة وانت طيب يا ناصر ودايما منور منتدى المحبة ..منتدى الفرح المسيحى |
||||
|
|
|
14 - 09 - 2016, 01:30 PM
|
رقم المشاركة : ( 6 ) | ||||
|
..::| مشرفة |::..
|
رد: دى حكاية عمرى وأيامى (حكايتى مع منتدى الفرح المسيحى) فى العيد السابع للمنتدى العظيم
كل سنة وحضرتك طيب يااستاذ ناصر
بس انا بقى حكايتى مختلفة شوية عن حضرتك وعن ميرو انا بقى كان نفسى ابقى خادمة فى مدارس الاحد وافرغ كل طاقتى والحاجة اللى انا بحبها واشغالى الفنية اللى انا بعملها وقصصى وموضوعاتى اللى انا بكتبها بنفسى وتاملاتى الخاصة بيا ودا خصوصا انى انا بعرف اشرح كويس واوصل المعلومة للاولاد خاصة انه شرط اساسى فى كلية التربية يكون بيعرف الواحد يشرح كويس وتربوى فى التعامل فكان نفسى اشرح للاولاد فى مدارس الاحد واوصلهم صوت ربنا واعمهم الاشغال الفنية اللى انا اتعلمتها بس للا سف ما توفرتش ليا فرصة انى اخدم فى الكنيسة ويمكن ربنا عمل كدا للصالح لحد ما بعتلى المنتدى ولقيت نفسى فيه وفرغت كل طا قتى دا انا حتى شغلى العملى والاشغال اليدوية شاركت بيها هنا فى المنتدى وبحل مسابقات لانى شاطرة فى المسابقات الدينية من صغرى وطلعت مواهبى ونميتها فالمنتدى دا هدية ربنا ليا وبعتهولى فى الوقت المناسب دا كفاية انى تقريبا بفتحه فى الصبح والعصر والظهر والليل وفى كل وقت انا اول مابصحى من النوم بفتحه ولما بكون مسافرة رايحة كليتى بقعد اقرا تاملات الكتاب المقدس وصوت الله ورسايل اليوم وموضوعات شبابية بجد المنتدى مااقدرش استغنى عنه داانا مابصدق مالكلية تحلص علشان اقعد عليه مع انى بقعد عليه فى فترات الراحة ما بين المحاضرة والتانية ما بقدرش ببقى محتاجة اسمع كلمة ربنا انا وفى دراستى ربنا يبارك خدمتكم يااخواتى الاحباء ويجعل المنتدى فى المزيد من النجاح والتقدم ويبعد عنه عدو الخير وربنا يبارك خدمتك الحلوة المثمرة يااستاذ ناصر ودايما فى نجاح مستمر وكل سنة واحنا طيبين ومع بعض متجمعين وربنا يبارك خدمة الجميع ويجعلها دائما مثمرة |
||||
|
|
|
15 - 09 - 2016, 07:29 AM
|
رقم المشاركة : ( 7 ) | ||||
|
..::| العضوية الذهبية |::..
|
رد: دى حكاية عمرى وأيامى (حكايتى مع منتدى الفرح المسيحى) فى العيد السابع للمنتدى العظيم
كل سنة وحضرتك طيب أستاذ ناصر ويارب دايماً منور الفرح المسيحي بعطاءك وخدمتك الجميلة المميزة كلام حضرتك صحيح منتدي الفرح المسيحي من أجمل وأحسن المنتديات المسيحية الفرح المسيحي مملوء محبة وعطاء وتعاون ومُشاركة وأنا شخصياً سعيدة جداً بوجودي بينكم وفعلاً بأمانة بستفيد جداً من كل الموضوعات وبتعلم كتير من خدمتكم المُباركة وحضرتك يا أستاذ ناصر ... أُستاذي وأخي ومُعلمي ربنا يبارك حياتك ويُديم تواجدك ويُثمر خدمتك ويزيد عطاءك ومحبتك لنا جميعاً وانت طيبة يا ماجى ربنا يفرح قلبك |
||||
|
|
|
15 - 09 - 2016, 07:30 AM
|
رقم المشاركة : ( 8 ) | ||||
|
..::| العضوية الذهبية |::..
|
رد: دى حكاية عمرى وأيامى (حكايتى مع منتدى الفرح المسيحى) فى العيد السابع للمنتدى العظيم
دايماً المنتدى متألق بمحبتكم وعطائكم وخدمتكم الجميلة ربنا يديم محبتكم الغالية ويكون الفرح المسيحى سبب بركة وفرحة فى حياتنا كل سنة وانت طيب يا أستاذ رامز ربنا يفرح قلبك |
||||
|
|
|
|
العرض المتطور