علاقات غريبة!! (للبنات فقط)

[Rena Jesus]

علاقات غريبة!!
الفخ
عايز اتكلم النهادرة عن كارثة كبيرة بتقع فيها بنات كتير

البنات الى بتتعرف على اولاد من اى مكان كان..
سواء من كنيسة او شغل او نت او اى حتة..
خدوا بالكم من الكلام الجاي ده علشان خطير جداا

مفيش حاجة فى الدنيا اسمها :
ان ولد يقولك بحبك و عايز اتجوزك بس قدامى 3 او 4 او 5 سنين اكون نفسى.!!
الكلام ده مش صحيح..
الصح انه يكون نفسة الاول وبعدين يبدء يكلم بنات الناس..
وطبعا فيه عينات فى الحياة كتير وقفوا جمب بعض 5 سنين و اكتر و اتجوزوا
بس دى مش القاعدة..

5 سنين انتظار = حب مجمد فى الفريزر.. ده اولا

ثانيا : البنت الى بتحب ولد و لسه قدامة سنين علشان يجهز نفسة او يتقدم للبنت..
محتاج اعرف يعنى ايه تخرجوا مع بعض و يحصل بينكم تجاوزات؟؟!!!
ده تحت مسمي اية بالظبط؟؟ تحابيش علاقة؟؟ تمهيدى علاقة.
مقدم علاقة؟؟ عربون حب مثلا؟
كلام خطيييييييير جدااا مفيش حاجة اسمها كدة

ثالثا وده الاخطر :
يا عزيزتى لازم تفرقى ما بين الطلبات الرومانسية و الطلبات الجنسة!!
ياااااااااااخبر!! يعنى ايه الكلام ده؟
يعنى الولد الى يقولك : بحبك و بموت فيكى بس نفسى اشوف صورك
فا حضرتك زى القطة المغمضة تبعتيلوا صورك العادية..
شوية و يقولك نفسى اشوفك بصور المصيف او المايوه!!!
نعممممممم يا خويا؟؟!! مايوووه ايه ده الى حضرتك عايز تشوفه؟؟؟!!
دى اسمها طلبات جنسية يا بناااااات .. مش طلبات رومانسية ركزواااا
الولد الى بيطلب منك الكلام ده مش بيحبك و لا بيحترمك اصلا..
انتى بالنسبالة ( اى كلام)
واحدة كدة وخلاص!!

ولما انت نفسك تشوف المايوه بتاعى..طيب ما تنزل يا ظريف اتفرج على المايوهات على المانيكانات فى المحلات!!
- اصل يا حبيبتى المايوه هيكون مختلف عليكى!!
اه مختلف فعلا!! حضرتك فاقد الادب ومحتاج تربية من جديد

و المصيبة هنا بقى ان الولد بيفضل يدحلب على البنت علشان تبعلتة الصور الخاصة اوى دى و لو البنت مبعتتهاش..
الولد يعاملها اسوء معاملة و احتقار و اهانة وشتيمة ولوي بوز
وده فى المشورة اسمة ( مناورة) يعنى بيلوى دراعك..
فا طبعا لو انتى متعلقة بيه و هتموتى عليه فا علشان يسمعك الكام كلمة الحلوة الى بيقولهالك
فا هتبعتيلوا صور خاصة بالمايوة و بسوارية وهوت شورت و هكذا يكون سيطر عليكى تماما
- قاعدة رقم 1/ مفيش حد بيحبك و يحترمك هيطلب منك كدة

رابعا : التخيلات الجنسية!!! دى بقى مصيبة لوحدها
نفسى احضنك يا حبيبتى!!
ااااه لو كنتى معايا دلوقتى!!!
تعرفى لو شفتك قدامى هعمل فيكى ايه؟!!
كل دى نوعية من التخيلات الجنسية الى ممكن ولد يقولها لبنت فى التليفون
فا تبدء البنت تتفاعل بالتخيل هى كمان و مع اول او تانى مقابلة بينهم
بيحصل تلامسات و تجاوزات مبنية على التخيل السابق
قاعدة رقم 2/ الى بيقولك الكلام ده فى المعتاد هو شايفك سلعة
او اناء جنسى عايز يفرغ شهوتة فيه و معاه فقط.. صدقينى

خامسا : الاهانات و التجريح و التهميش
لو بتعرفى فى حياتك ولد و بينكم علاقة حب و طول الوقت بيهينك و يحسسك انك ولا حاجة
ومش مهتم بيكى ولا بيغير عليكى ولا واخد بالة منك و مبهدلك معاة...
تفتكرى ده حب؟؟
لا حضرتك ده مش حب..ده استغلال...الى بيحب حد مش بيعمل فيه كدة
و الى بيعمل مع بنت كدة يبقى مسترخصها اوووى
وهى بالنسبالة ولا حاجة و لا تستحق وطبعا جزء كبير من المعاملة دى جاي من الغيرة و الحقد من الولد للبنت
و كمان بيحاول يكسر كبرياءها وكرامتها علشان تفضل طول الوقت فى نظرة قليلة
فا تحس انها ولا حاجة وان الحب الى الاخ ده بيقدمهولها هو كبير اوى
فا تستحمل الفتافيت الى بيقدمهالها بما انه عملها غسيل مخ و حسسها انها ولا حاجة..
و الكارثة هنا انها مع الوقت فعلا بتحس بأنها ولا حاجة

الخلاصة
كل البنات الى فى حياتها علاقات من النوع ده..
الحقى نفسك فوراااو اقطعى العلاقة دى الى الابد بدون رجعة نهائى وبدون تعديلات ولا فرص جديدة..
لان اغلب الولاد الى بيعاملوكى كدة اترسخ فى مخهم صورة ذهنية عنك انك
( واحدة اى كلام ) وسهلة الوصول
الجنس و الرومانسية بعيد عن بعض تمامااا

[ميرنا]

موضوع جميل ومفيد اوي
بس من وجهة نظري انا إن مش كل الشباب زي بعضهم ولا البنات زي بعضهم .. وفي شباب بجد محتاجين وقت يجهزوا نفسهم ويجوا يتقدموا للبنت ع الاقل عشان اهلها يطمنوا ويوافقوا عليه

[walaa farouk]

ميرسي على مشاركتك الجميلة

[marit jesus]

رائع يارينا ومفيد جدا ياريت البنات تفهم وتحس
والولاد كمان يحترموا نفسهم شوووووووووية
ويبطلوا لعب بابنات الناس

[Rena Jesus]

ميرسى لمروركم الغالى