مادام القلب عمران بيك
بكون راضى وشاكر ليك
عشان حبك دة ماله حدود
فابفضل احكى ياما عليك
مسيح الكون وليك سلطان
تهدّى بحور تخرج جان
تقوّم حتى م الاموات
وبيك بقوى واعيش ف امان
مافيش غيرك يداوى جروح
طبيب شافى بتشفى الروح
فالاقى ايديك تيجى تطبطب
وعين حارسة منين مابروح
صانع خيرات تجول للخير
تمد ايديك لكل الغير
ومايهمكش اى صعاب
وخيراتك دى ياما كتير
فى حنية ومالية عنيك
تروح للخاطى يمسك فيك
فتتحنن وتغفرله
يتوب ف الحال ويرجع ليك
فى كل اوان بنحتاجلك
ووقت الضيقة نلجألك
عشان انت لينا الملجأ
تملى يارب نشتاقلك
#مادلين_انيس
