متعقده م الخطوبه

[Rena Jesus]

متعقده م الخطوبه

بقولك ايه يابوب ، انا حاسه اني متعقده ، آه والله زمبؤلك ،، كل ما يجيلي عريس باطفشه ،
اصل بيني وبينك معنديش ولا واحده من صاحباتي اتنصفت في جوازها ،
تقريبا كل صنف الرجاله الموجوده في السوق مضروبه
، العريس من دول يبقي رومانسي وحنين وابن ناس طول فتره الخطوبه ❤،
وبعد الجواز يتحول في يوم وليله لدراكولا بأنياب ، بذمتك مش ليا حق اتعقد

الرد :
طب شوفي يافالحه ، :

طول ما البنات شايفه ان الخطوبه هي اجمل فتره في حياتها ، يبقي مافيش فايده ،
لازم العريس يطلع مضروب بعد الجواز ، ليه بقي ؟

- فين إبنك تامر يا ام تامر ؟
- تامر مع خطيبته في الساحل .

- بيهببوا ايه ياوليه في الساحل ؟
- بيتعرفوا علي بعض اكتر .

مش فاهم ازاي هايتعرفوا علي بعض في الساحل ؟ !!!
ده انا لو معايا شيطان في الساحل هارجع باعشقه ،


ياجماعه افهموا ، الخطوبه فتره تعارف محتاجه تركيز وتجربه وعقل وتقييم ودراسه ،
مفيش مانع من شويه استمتاع ، لكن الاصل انها فتره اختبار ،
يعني ما ينفعش مثلا ان الشاب يخطب ويسافر الخليج ويرجع يتجوز ، لازم تعارف ،
ما ينفعش العاطفه او الغريزه تسبق العقل وإلا هاتتعمي عنينا ونشوفه ملاك ،

ارجوكو احترموا نفسيتكم شويه هاتشليوني ، نعقل كده ونركز علشان نصطاد عريس عليه القيمه ،
- ونجيبوا منين ده ياعمو ؟
- اكيد الصين هاتعملكوا شويه .

[walaa farouk]

ميرسي على مشاركتك الجميلة

[Rena Jesus]

ميرسى لمرورك الغالى

[Mary Naeem]

هههههههههههههه

الصين ايه بس

المشكلة اللي محدش فاهم

ان الخطوبة حاجة وبعد الجواز حاجة تانية خالص

مسئوليه كبيرة

ربنا يفرح كل البنات

[Rena Jesus]

ميرسى لمرورك الغالى