امثال لبنانيه بيعئدووو كتير

god is love · رقم المشاركة : ( 1 ) 27 - 06 - 2012, 06:12 PM

إللي بيكبّر فشختو بيوقع

إللي بيعوز الكلب بيقول له صبحَك بالخير يا سيدي

اركب الديك وشوف لوين بيوَدِّيك

اكتر من قرد ما مسخو الله

تزوّجنا وجبنا غريبة، زِوان بلادك ولا القمح الصليبي

التكرار بيعلّم الحمار

ثلاثة ما بيتخبّوا: الحُب والحَمل وركوب الجمل

الجرس بيدعي الناس للكنيسة وبيبقى برّا

جهل الختيار ما لو دبّار

حاكمك وظالمك ولمين بتشكي أمرك؟

حَبّة حَبّة أكل العنب. تِنتان تِنتان حشمة وأدب

تلاتة تلاتة تبِقّ العنب، أربعة أربعة أكل الدبب

حسبنا الباشا باشا، تاري الباشا زلمه

حِط إيدك بوكر الدبابير وقول هيدا من التقادير!

حظّو من السما اللي بتحبّو الحما

حظّو من السما اللي ما عندو حما

حمار حَمَّلوه كُتب، خمَّن حالو صار يعرف يِقرا

خود اسرارهم من صغارهم

الداخل بالسياسة متل الداخل بتنكة الكناسة

راح جحا ت يصلّي، شاف باب الجامع مسكّر

قال: مليح اللي طلعت منَّك وما إجت منّي

الرجّال ولو كان فحمة، وجوده بالبيت رحمة

الروم ما بيكسِّر راسو القدّوم

شمس شباط لكنتي، وشمس آذار لبْنَيْتي، وشمس نيسان لشيبتي

شو أحلى من العسل؟ الخل ببلاش

شو بتعمل الماشطة مع الوِج العكش (او مع النّيع الألوق)؟

صهر بيشدّ الظهر، وصهر بيجيب المجرفة ع القبر

ظلم الحكام، وكيد النسوان، وعناد الرهبان

ظلّيت صلّي حتى حصل لي، ولما حصل لي بطّلت صلّي

عادة في البدن، ما بيغيِّرها غير الكَفَن

عرَج الجمل من شفتو

العريس اخذ العروس، والمعازيم رجعوا متل التيوس

عزيمة الحمار للعرس، يا للحطب يا لزقّ المَي

عقلاتو بنصّ كِم

عند تغيير الدول احفظ راسك

اللي بتطَيلعهن السمرا ما بيكفّوها خطوط وحُمرا

اللي بدّو يناطح ما بيخبّي قرون

ايه رايكم فهمتوا حاجه

اللي بيحلف كتير بيكذب كتير

المال بيجرّ المال والقمل بيجرّ السيبان

متل الابرة بتكسي الناس وهيي عريانة

متل اللي بيوَكِّل القط بالجبنة

المديون حمار الدائن

المعتَّر لو سِعِد بيموت

وِجّو بيقطع الرزق

وِجّو متل ورقة النعوة

وِحشة وعِكشة، وواقفة بالوِج

وقفة المعلّم ع إيد المعلّم صعبة

الولد ولد، ولو حكم بلد

يلّي باعك ببصلة، بيعو بقشرتها!

يلّي بيعملك حمار، البُطه!

إن بزقنا لفوق ع شواربنا وإن بزقنا لتحت ع ذقنّا

إن ضبطت المَي بالغربال بتأمِّن المرا للرجّال

الإيد اللي ما فيك تعضها، بوسها وادعي عليها بالكسر

ابن الداية ما عليه مخبّاية