خلاصة الجواز الشرقى

[Rena Jesus]

انا بديها فلوس مصروف بس بسألها على كل حاجة بتجبها بكام قبل ما اقولها مبروك عليكى!
بخرجها بس من قبل ما اخرج معاها بقولها اخلصى خلينا نرجع واتخمد!
بروح معاها عند اهلها بس طول ما انا هناك كأن حاجة بتقرصنى وبيبقى عبء على قلبى!
بنقدها دايما بالفشل بس اما تنجح فى حاجة ولو بسيطة بتريق عليها بسخرية!
بقارنها بتصرفات غيرها بس اما تقولى غيرك بيعمل كذا بقولها معندكيش ذوق!
بجرحها وبستفزها وبعصبها بس اول ماترد عليا بقولها انتى مش مهذبة!
بجبلها هدايا فى المناسبات بس بذلها بيها من قبل الحدث وبحسسها انه واجب لازم يتجاب عشان اخلص!
بقولها كل سنة وانتى طيبة بس فى نفس اليوم برجع من برة بنفخ زى كل يوم عادى !
بعاتبها انها مش بتدلعنى لكن انا دايما بطلب منها الحاجة بوقاحة كأنها خدامة!
بطلب منها تطبخ لكن اول ماحد من الولاد يتعور غصب عنها بزعقلها انها فى المطبخ وسايبة الولاد!
بتريق على هيئتها واتفقع لو مضحكتش على تريقتى واقولها انتى نكد!
دايما كنت بقولها نفسى فى اطفال منك واول ماواحد فيهم شرف طردتها من اوضتنا بحجة انى مش عايز ازعاج!
بتحسر على الستات اللى مدلعة نفسها انما اول ماتقولى عايزة وقت لنفسى بتخانق معاها!
بقارنها بأمى انما عايزها مهتمية بنفسها !
بعلمها الغضب واطالبها بالهدوء!
برميلها الكلمة البايخة واطالبها تختار وقت العتاب!
بكسرها واستنى منها الابتسامة اول ما ادخل من برة!
بحسسها انهم عبء عليا واعاتبها انها لية مكشرة!
بطالبها تبقى متدلعة لكن اول ماتكلمنى عن مسلسل تركى بتخنق من رغبتها!
بحبها لكن بعاملها عكس مشاعرى !
متجوزها لكن محسسها انها عانس معايا!
بهدها واطلب منها تتحمل علشانى!
بعترف بغلطى لكن قدامها بنكره!
بوصلها لمرحلة العدم واجلدها زى المجتمع لو طلبت البعد!!
بوعدها لكن بستسهل وجودها وامتلاكها!
بطلب منها فى البداية تسيبنى ومتلزقليش لكن اول مابتبعد بأتهمها بالتقصير !
مبشوفهاش لكن بطالبها انها تدقق فى احتياجاتى!!
شرقى لكن فشلت فى إشراقها !
خلاصة_الجواز_الشرقى
cpd

[sama smsma]

موضوع مهم ورائع

[walaa farouk]

ميرسي على الموضوع الجميل

[marit jesus]

فعلا كلامك صحيح
وموضوع فى غاية الاهمية
ميرسى ليكى ربنا

[Rena Jesus]

ميرسى لمروركم