عايز تهرب متبصش وراك

بنتك يايسوع · رقم المشاركة : ( 1 ) 28 - 06 - 2016, 07:21 PM

عايز تهرب متبصش وراك

كنت باحضر مسلسل القيصرعادي الا ان يوسف الشريف قال كلمة كدة شدتني جامد
وفضلت افكر فيها كتير هو قال اول درس وانت هربان اوعي تبص وراك
جملة عادية لكن انا حسيتها غير كدة انا حسيت انها من ربنا خاصة ان اب اعترافي دايما يقولي
« اهْرُبْ لِحَيَاتِكَ. لاَ تَنْظُرْ إِلَى وَرَائِكَ، وَلاَ تَقِفْ فِي كُلِّ الدَّائِرَةِ. اهْرُبْ إِلَى الْجَبَلِ لِئَلاَّ تَهْلِكَ»(تك 19: 17)
وبعدين لما حسبتها لقيت فعلا ان لو عايز هرب من خطية معينة ايا كانت مش ينفع ابص ورايا مهو
لَيْسَ أَحَدٌ يَضَعُ يَدَهُ عَلَى الْمِحْرَاثِ وَيَنْظُرُ إِلَى الْوَرَاءِ يَصْلُحُ لِمَلَكُوتِ اللهِ (لو9: 62)
كمان كنت قريت في كتاب كدة ان عشان تبطل خطية لازم تقفل الحنفية يعني لازم تبطل نفكر فيها
يعني لازم مش تبص وراك طب تخيلوا كدة يوسف هو بيهرب كان بص وراه اكيد كان هيقع
زي بطرس لما كان هيغرق لما بص حواليه طب خلينا نتخيل ان امراه لوط دي مش بصت وراها
اكيد كانت هتنجي من الهلاك انا مش كنت مضطر ان اقول الكلام دة ولا انا قديس مثلا عشان فكرت كدة
بس زي ما ربنا بعتلي صوته في مسلسل عشان بيحبني ربنا ممكن يبعت صوته ليكم عشان هو بيحبكم
فخلي بالكم وبلاش تبصوا وراكم وانتوا بتهربوا
حاجة اخيرة ربنا بيعرف كويس خالص يوصل صوته اهم حاجة انك تركز
والشاطر اللي يميز صوت ربنا وسط دوشه العالم .

Albert ibrahim