الحب فوق هضبة الكيبورد

[walaa farouk]

نظرا للتطور الهايل ف برامج التواصل الاجتماعى اصبحت حياتنا تدار من على ازرار الكيبورد وخلف الشاشة الLCD ال17 بوصة او الموبايل الذكى (smart phone) .
وبقت مشاعرنا الكترونية اوى , وغالبا مفيش مشاعر اصلا ..
* اللى عاوز يقول حاجة لحبيبتة بقى بيكتبهلها ع الوول .. (روح قولها على طول بينك وبينها ومش لازم تبرهنا بقصة حبكم العميقة وصدقنى هتنبسط بيك اوى)
* الاصحاب بقوا بيعبروا برضوا عن مدى حبهم لبعض بحبة صور وشوية كلام طالع من زراير ..
*علاقتنا بالناس بقت relationship واما نزعل من بعض نغيرها ..
* اللى زعلان من حد بدل مايروح يعاتبة , بقى مايعملوش لايكات ..
* حتى ربنا بقينا نتعامل معاة بمجرد بوست او صورة , وصلاتنا لية بقت حالة ..
* بقيت لازم تقول انت بتعمل اية؟
بتتفرج على فيلم مع ذكر اسمة وكام ايموشن جنبة , او انك قاعد بتسمع عمر خيرت وجنبها Wow i adore music , لما تبقى عيان لازم تعمل Feeling sick وجنبها الايموشن دة :/ , وغيرها من المشاعر والاحاسيس اللى بتنزلها ع الفاضية والمليانة .
* كلامنا بقى رسايل على واتس ..
*لحظتنا الحلوة بقت صور مع هاشتاج insta , وعلى فكرة الهاشتاج دة مع اى هبل جنبة كدة بقى اهم م الصورة زى مثلا :
#insta_love_sis_street_habl_3abt_gnan_love_u_bbe
بطلنا نسمع صوت بعض , بطلنا نعيش لحظات حلوة مع بعض , بطلنا نسأل على بعض بقى السؤال بمسدج , بقى الاهتمام بلايك , بقى الاعجاب بشير ..
بقت المشاعر #الكترونية

[Rena Jesus]

فعلا بقينا كده
ميرسى ربنا يفرح قلبك

[walaa farouk]

ميرسي على مرورك الغالى رينا

[مريم ميرو]

ميرسي على مشاركتك الجميلة

[walaa farouk]

ميرسي على مرورك الغالى مريم

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي على مرورك الغالى مارى