مغامرات الاصدقاء الاربعة (1)

مورا مرمر · رقم المشاركة : ( 1 ) 01 - 06 - 2016, 01:07 PM

مساء الخير يا حلوين
هنشرح باختصار عن المغامرة هى الفكرة ماخوزة من كتب مغامرات الاصدقاء الاربعة اكيد كلنا بنسمع او بنقرا عنها
اكيد هانعمل حاجة نستفاد منها او درس نتعلنه من خلال المغامرة دى وطبعا علشان منتدى الفرح المسيحى متميز وفريد
هتكون الاصدقاء من المنتدى هيبقوا اربعة اساسين هيبقوا مختلفين كل مرة وهتكون القصص مختلفة طبعا .

اصقاء المغامرة دى هما :سما (سمسمة) ومارينا (مرمورة )وايرين (رينا )وانا ماريهام (مورا )

مغامرات الاصدقاء الاربعة الجزء الاول
فى مغامرة فرح غيرك

فى يوم الاحد بكنيسة العذراء مريم حضر الاصدقاء الاربعة القداس الالهى واتناولوا واخدوا بركة كمان
وبعد القداس اتجمعوا فى نادى الكنيسة تعالوا علشان نشوف الحوار دار بينهم ازاى ؟؟؟؟

سمسمة : يا جماعة احنا عايزين نعمل حاجة حلوة نفرح فيها اللى حوالينا طبعا الاجازات بدات ومش معقولة يعنى نشوف اخوة ربنا محتاجين يفرحوا واحنا نقعد ساكتين .
مرمورة :طبعا يا سما ربنا وصانا دايما انى احنا نفرح ونفرح اللى حوالينا .
رينا : طيب متيجوا نصلى ربنا يرشدنا فعلا فى الموضوع ده .
مورا : انا من راى انى نروح احسن عشان الجو حر ولما تبقى عندكم افكار ابقوا قولولى عموما احنا بكرة عندنا خدمة تقدروا تقولو اية افكار اللى عندكم لامين الخدمة استاذ رامز .
وانطلق الاصدقاء الاربعة كل واحد لبيتة لكن شاغل كل واحد فيهم ازاى بجد ممكن يفرح غيرة وازاى يبقوا فرحانين فى الاجازة دى
وجة يوم مدارس الاحد والاولاد فرحانين وبيرنموا ترانيم القيامة (انا انا ديك )وبداوا يقولوا لحن يا كل الصفوف السمائين
وسما وباقى الخدام . بدؤا بعمل العاب الهدف منها ان الولاد يحفظوا اية وخلصت فترة الافتتاحية وبدؤا فى فترة الشرح فى الفصول كل واحد فى فصلة وكان عنوان الدرس "المسيح بكورة الراقدين "
وبعد انتهاء الدرس صلوا كل فصل ان ربنا يساعدهم ازاى يساعدهم علشان يفرحوا بعضهم .
وبعد انتهاء مدارس الاحد اتجمع الخدام علشان يسمعوا الحاضرة من امين الخدمة
وبدؤا الخدام يتشاوروا فى عمل حاجات كتيرة لتطوير الخدمة ومدارس الاحد
وقفت سمسمة وقالت انا عندى فكرة حلوة :اية رايكم لو نجمع عطاء من الاولاد اللى فى مدارس الاحد اللى عايزين يتطوعوا فى الموضوع دة ونسميه صندوق "فرح غيرك " ومن المبلغ اللى هيكون عندنا ممكن نجيب للاخوة الرب
الحاجات اللى نقصاهم او سلع غذائية
امين الخدمة (ا.رامز ) :انا عن نفسى معجب بالفكرة جدااا
وهنبدا من الاسبوع الجاى نعملها وبعد فترة هنقلوكوا تعملوا اية بالظبط
مر اسبوع ورا اسبوع ورا اسبوع وجمع الخدام مبلغ حلو .
وكان الاولاد فرحانين اووووى مش بس علشان بيفرحوا غيرهم ده كمان ربنا نفسه بيفرح .
امين الخدمة بعد ما جمعنا التبرعات احنا كلنا مبسوطين .
وهنبد نقسمكم جروب جروب كل جروب هيروح منطقة معينة وهيشترى بالفلوس دى الحاجات اللى محتاجها المكان ده
يعنى فصل سما هيروح على دار المسنين وفصل مرمورة هيروح لاخوة الرب فى القرى ورينا فصلها هيروح على دار الايتام ومورا فصلها هيطلع على المرضى
واكيد الناس دى هتبقى فرحانة انى فى حد بيحبها ويهتم انه يفرحها
والاولاد كانوا مبسوطين اوى انهم ييعملوا كده وتوجه كل اتوبيس الى المكان المقصود والكل كان فرحان قوى
جدو ونينا كانوا فرحانين قوى انى عندهم احفاد زى كده بتهتم انى تفرحهم والمرضى حسوا انهم مهمين فى نظر غيرهم وغيرهم وانت اخى واختى فى الرب ممكن تفرح غيرك لو بكلمة حلوة لان الهنا اله فرح والقيامة فرح وانتصار
وبعد ما وصلوا الكنيسة صلت مارى (مرمر)
يارب اشكرك بجد انك ساعدتنا انى احنا نفرح غيرنا وولادك فى الكنيسة احنا بجد فرحانين وفرحتنا الحقيقية اننا نفرح غيرنا .امين
تمت

الفكرة دى فعلا اتنفذت فى كنيستى وكانت صاحبة الفكرة دى تاسونى ايرين
وكان تاريخ الزيارة لدار المسنين 23/ 8 /2014
وفعلا نفذتها باقى الفصول

كتبت بواسطة مورا مرمر

morcos20 · 01 - 06 - 2016, 01:22 PM

+
ماأجمـل أن تمسح بيديـك دمعــة يتيـم
أو تبهج قلـب حزين ومكسور وســــقيم
وتتبع تعاليـم يسـوع الملك الإله الرحيم
شكرا يامـورا مـرمـر لموضـوعك العظــيم
+
مرقس إسـكندر مقار

مورا مرمر · 22 - 06 - 2016, 08:29 PM

اقتباس:

المشاركة الأصلية كتبت بواسطة morcos20

+
ماأجمـل أن تمسح بيديـك دمعــة يتيـم
أو تبهج قلـب حزين ومكسور وســــقيم
وتتبع تعاليـم يسـوع الملك الإله الرحيم
شكرا يامـورا مـرمـر لموضـوعك العظــيم
+
مرقس إسـكندر مقار

كلمات جميلة جدا جدا
ميرسى لمرور حضرتك