|
 |
 |
 |
|
|
|
رقم المشاركة : ( 1 )
27 - 05 - 2016, 06:45 PM
|
|||||||||||
|
|||||||||||
 يوم الاحد انا هاجى معاك وامسك زعفه وهمشى وراك وافرشلك قمصان على الارض واشهد انك انت الرب وهجيب جحشى يارب عشانك واسجدلك ما اصل انا خدامك واهتف ملكك عايزه يسود أوصنا أوصنا يا ابن داود وعند الهيكل هاجى معاك واشوفك وانت بتشفى نفوس وبتطرد من جواه الباعه اصل دا بيت للصلاه مخصوص مش معقول بيتك ياربى يبقى مغاره فيها لصوص واما نجوع هنروح للتينه شكلها حلو من براها وورقها كتير بيغطينا بس مفيش ثمر جواها اصلها زى قلوب تلاقيها شكلها حلو من براها واما تقرب منها شويه تلاقيها فاضيه من جواها زى قبور مبيضه وحلوه مزروع ورد كتير حواليها بس ريحتها كده من جوه ولا تقدر تقرب ليها وهروح ويا يهوذا واشوفه ازاى فكر انه يبيعك قلبه طاوعه ازاى يومها انه يخونك وانه يسيبك وانه يروح ليهود يتأمر بعد ماكان ابنك تلميذك وهجيب طيب واغسل رجليك ودموعى هتتشفع ليك عشمانه تغفر خطايايا وتشيلهم عنى بايديك وهاجى معاك فى العليه (العليقه) وياربى هتعشى معاك وهتغسل باديك رجليا وقلبى كمان طهره بزوفاك وهاجى معاك عند البستان ووراك هبقى وقت صلاتك هسمع كل كلمه ياربى وهى بتخرج ويا أهاتك وعند بيلاطس هاجى معاك وهقول انى ماشى وراه وان سألونى قوام هشهدلك انك انت ابن الله ووقت الصلب هكون سمعان اسمحلى اشاركك فى الامك وهكون يوحنا ياربى كمان واسمع منك كل كلامك وهكون لص يمين مرفوع وهأمن ان انت يسوع واصرخلك بعلو الصوت اذكرنى قوام فى الملكوت وانت يا شايل كل الكون هاجى معاك فين ما تكون اصل ازاى تموت علشانى وقلبى يسيبك حتى ثوانى على الصليب اخدت مكانى واتوجت بالاشواك وبدلت باديك احزانى وانا دايما هكون وياك 
|
|
27 - 05 - 2016, 06:47 PM
|
رقم المشاركة : ( 2 ) | ||||
|
† Admin Woman †
|
رد: هاجى معاك...
ربنا يبارك حياتك
|
||||
|
|
|
27 - 05 - 2016, 11:20 PM
|
رقم المشاركة : ( 4 ) | ||||
|
..::| الإدارة العامة |::..
|
رد: هاجى معاك...
مارى
مورا ميرسي كتير على مروركم الغالى |
||||
|
|
 |
|
العرض المتطور