انت وزكا واحد

[walaa farouk]

يا زكا أسرع وانزل ينبغي ان امكث في بيتك اليوم ، بيتي انا يارب ، انا الخاطئ الغير مستحق ،انا لا استحق ،يا ابني أنا راضي وحابب اني اكون هناك معاك .
يارب زكا كان يستأهل إنك تدخل بيته ، دا تعب قوي يارب علشان يشوفك ، وسئل كتير لحد ما عرف فين مكانك ، ولم وصل فرح جدا ولكنه مقدرش يقرب منك بسبب ازدحام الجموع عندك ، فكر يعمل ايه وهو كان قصير القامة والناس بتذوقه لوراء قال انا اهم حاجة اشوفه بس حتي لو هو معرفش اني محتاجه ودا كان جهل حب منه لانك كاشف القلوب وفاحص الكلي لكنه كان بيحبك بيحبك بجدا يارب ويستأهل انك تقوله ينبغي ان امكث في بيتك اليوم. ،دا استحمل كتير من اجلك طلع الشجرة وهو قصير وكان كل شوية يقع ويحاول تاني ونادا علي حد يساعده ويرفعه المهم انه يشوفك ،المهم انه ينظر بس ليك، حاسس انك شبعه، وفرحه وسلامه اللي بيدور عليه من زمان ،وصدق انه لاقاه ،زكا دا عظيم دا الناس كانت بتضحك علي تصرفه وتستهزي بيه وتشاور عليه ولا همه رغم مركزه المرموق في الدولة
شفت الفرق بيني وبينه انا بدور عليك انا بهتم اني اشوفك زيه ؟
ازاي تدخل بيتي هو انا عملت ايه من اجلك ،ايه التعب اللي قدمته ولا شوفته علشانك .
بنتي الحبيبه انا بحبك بدون مقابل وبلا شروط ومن غير حدود .
يارب زكا يستأهل انك تروح لحد عنده وتمسك يده وتنزله من علي الشجرة لانه حبك بجد وتعب علشانك يستحق انك تمكث في بيته ،يارب دا انت دخلت نورت حياته وغيرته تغير جذري دا وزع كل امواله ورجع الضعف لكل اللي ظلمهم ،هو يستحق ان تتعشي معاه وتخلصه هو وبيته لانه تعب من اجلك وترك حياته القديمة عند رجلك.
يا بنتي انتي وزكا واحد مفيش فرق بينكم انا عايزة ادخل بيتك .
بيتي يارب خراب ومتبهدل ومفيش حته فيه سليمة.
أنا هصلح واجدد وانظف واشفي وانور بيتك.
يارب دا غير لائق بيك دا حتي مليان تراب وحشرات من عدم النظافه اللي في كل حته فيه.
ايدك في ايدي وانا هرجعه احلي من الاول.
مش عارفه اقولك ايه .
اتفضل يارب البيت بيتك .
وكمان يا بنتي هتعشي معاكي .
تتعشي هو دا اللي ماكنتش عامله حسابه ،البيت فاضي مفيش فيه اكل كويس يليق بيك انت الملك العظيم اللي السماء عرشك والارض مؤطئ قدميك تأكل عندي مش كفاية دخلت بيتي الذي لايليق بجلالتك .
انا عندي اكل قليل والخبز ناشف والمياه مركونه .
شفت حالتي يارب وانا بعيده عنك .
جعانه ومكسورة وناشفه وميته ومفيش فيا حياة .
بنتي الحبيبة انا هجيب اكلي معايا وانت تجيبي اكلك ونقعد مع بعض اتفقنا.
يارب انا موافقه طول ما الموضوع كدا .
يلا نرتب البيت وبعدين نأكل لاني بحب المكان نظيف .
حاضر يارب نبدأ من برا من الصالة .
لا يا بنتي نبدأ من المخزن .
بس دا مليان حاجات ملهاش لازمه ومركونه من سنين بلاش نضيع وقت فيها يارب وكمان محدش بيقرب منها .
بنتي دا اهم مكان هبدأ بيه ،حاضر يارب .
ياه بقيت جميله جدا وهي فاضية .
نروح علي الباقي بس انت تعبت اقوي يارب دا ايديك بتزف الظاهر اتجرحت يارب .
اطمني وانتي معايا يلا نكمل .
يلا ننظف غرفة النوم .
يارب دي نظيفه سيبك منها احنا نرتب الصالة ونقعد لانك تعبت جدا يارب .
مفيش تعب مع من تحب وانا بحبك يابنتي .
اللي تشوفه يارب يلا بينا .
يااه يارب الاوضة بقيت جميله ورائعه جداااااا بس راجليك فيهم جرح الظاهر فيه حاجة وقعت عليك .
انا اسفه جدا يارب انا السبب في كل اللي بيحصل ليك .
الاول ايديك ودلوقت رجليك ؟
سارة اطمني وانت معايا قربنا نخلص يلا علي المطبخ والحمام دوال يارب كمان هتنظفهم ايوا يا حببتي هنظف كل حته في بيتك ؟
اوك يارب اللي تشوفه بس انا شايفه انك تعبت ؟
لا ياحببتي انا فرحان وانا معاك وشايفك فرحانه .
بس راسك يارب راسك بتنقط دم .
ايه دا يارب انا السبب في جرحك ايديك ورجليك وراسك وكل حته فيك .
لا ياحببتي اطمني وانتي معايا مفيش حاجة انا فاديكي .
يلا نكمل غرفة الضيوف وبعدين الصالة .
حاضر يارب بس فيه دم ملء قميصك جاي من عند جنبك اليمين ايه اللي بيحصل يارب ؟
مفيش حاجة انا خلاص خلصت ؟
يلا نرتاح ونقعد ناكل مع بعض.
طلعي اكلك وانا كمان هطلع اكلي .
وحط يسوع اطباقه ،وانا حطيت اطباقي .
وقالي هاتي اطباقك ياحببتي وكانت اطباقي مشوهه ومليانه خطية شهوة ردئيه وانانية وكذب وادنة ونميمه وافكار شريرة ،كنت مكسوفه لكن يسوع طبطب عليا بكل حنية وقالي بصوت مليان رحمة ومحبه وحنيه خدي كلي هذا هو جسدي واشربي هذا هو دمي الذي يمحي الخطية ...هيديكي كمان ثبات فيا وبيه هتروحي الابدية...بحبك يارب يلا مت علشاني وادتني حياتك وبدمك المفسوك غفرت لي كل خطية...

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي على مرورك الغالى مارى