من معجزات الشهيدة مارينا مع السيدة ريموندا:
في يوم كنت برفع مرتبه السرير وكانت من الاسفنج خفيفه جدا
وكنت سانده المرتبه بايدي الشمال وحسيت فجاه
بالم شديد في ايدي ولقيت صباعي الوسطاني نزل لتحت ومكانش بيتحرك وكان بيؤلمني جدا وما اقدرتش ارجعه تاني مكانه فحطيته في مياه سخنه ودهنته بزيت القديسين وقعدت ابكي من الالم لمده ساعه وبعد محاولات كثيره اضطررت للذهاب الي مستشفي الحياه القريبه مني وكشف عليه الدكتور رؤوف حبيب اخصائي عظام وقرر يدينى حقنه كورتيزون وبنج في نفس الوقت عشان يقدر يمسك الصباع ويكشف عليه ولكن بعد ما اخدت الحقنه لم يتحسن الصباع ففضلت ابكي فقالي الدكتور اظن ان في وتر اتقطع وها تحتاجي لعمليه خياطه وتر بس ها تتنتظري للغد ولكن عشان شده الالم لم استطع الانتظار فذهبت للدكتور اشرف الالفي الذي اكد نفس الكلام واعطاني حقنتين في اليوم وقالي انتظري لليوم الثالث لو ما حصلش تحسن ها تعملي عمليه في الايد فرجعت البيت وخدت المسكنات وانتظرت حتي اليوم الثالث ولكن بلا فائده مفيش تحسن حتي ولو مللي ، وجه لزيارتنا اختي وزوجها وقالتلي تحبي تروحي للبابا كيرلس معانا ولا للشهيده مارينا فقلتلها ها اروح لشفيعتي القديسه مارينا اللي بشفاعتها شفيت من مرض السرطان قبل كدا وروحنا الكنيسه وانتظر زوج اختي بالسياره نظرا لعدم وجود مكان للوقوف هناك ودخلت الكنيسه انا واختي وبنتها الصغيره
وكانت الكنيسه خاليه وبها اعمال تجديدات وجميع الاجساد التي كانت بها تم تجميعها جميعا معا في حجره الشمع ففرحت جدا لتجميع كل القديسين في مكان واحد خدت بركتهم وصليت بحراره وطلبت شفاعتهم ولكن برضو مفيش جديد صباعي متحجر مش بيتحرك وبيوجعني جدا فرجعت لكف الشهيده مارينا ثاني وقلتلها
مش عايزين يعملوت شيئ
عشان عارفين اني جيالك انتي وقصداكي يا مارينا
خمسين عايزين يتعدوا عليكي وحطيت ايدي فوق الزجاج الذي بداخله كفها وقلت يا رب انا لن اتركك ان لم تباركني وقلتله يا رب انت قلت لو ليكم ايمان قد حبه الخردل وقلتوا للجبل انتقل ها ينتقل وانا بقولك انقل ليه الصباع المتحجر واسمع لشفاعه قديستك مارينا واقبل صلواتها من اجلي وفي الحال رجع صباعي زي ما كان وتحرك ولم احس باي الم وفرحت جدا ووضعت في الحال في صندوق الترميمات جزء من ثمن العمليه ومجدت اسم الرب ولما رجعنا للسياره قالي جوز اختي انتوا اتاخرتوا ليه كده فقلتله بص ايدي طبيعيه خالص ومفيش اي الم فقالي عجيبه هي اعمال الرب ليتمجد اسمه دائما
13 - 05 - 2012, 08:22 PM
العرض المتطور