هخرج من سجن البراويز

[walaa farouk]

انا قررت اخرج من سجن البراويز
وابقى براءة قلب الطفل...وطيابة حضن العواجيز
وهاشوف الدنيا بمنظار تانى غير الاول
وهاحس بكل معانى الحب بدون تمييز
هاجرى وماحدش يسبقنى ولا يلحقنى
ولا حد يفكر من حضن يسوع ييجى يسرقنى
هاحكى حكاية تفضل متعاشة ومحفورة
وامسك الوانى واوراقى وارسم صورة
فيها الهى شايل خطايايا على اكتافه
بيعلمنى معنى الحب اللى محدش ابداً شافه
كل دمعة من عينه بتغفر ذنبى
كل دقة من قلبه بتدخل قلبى
كل مابتدمع عينه تبكى الالوان
وانا كل ما بازيد فى اثامى باجرح شريان
يللا سيبونى تحت صليبه زى التلميذ
هادخل جنبه ومش هافضل برة البراويز
وابقى براءة قلب الطفل ...وطيابة حضن العواجيز

[magdy-f]

[Mary Naeem]

موضوع مميز

ربنا يبارك حياتك

[walaa farouk]

مجدى
مارى
ميرسي كتير على مروركم الغالى
وشكرا مارى لتمييز الموضوع

[ابانوب نادر ادوار]

موضوع رائع ربنا ياركك

[Rena Jesus]

ميرسى ربنا يفرح قلبك

[walaa farouk]

ابانوب
رينا
ميرسي كتير على مروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك